ଲକ୍ ଡାଉନ୍

ସରକାର ଆମ ଘୋଷଣା କରିଲେ 

ଲକ ଡାଉନ ଚାଲିଛି , 

ଜନତା ଆମର ଭାରି ସଚେତନ 

କିଏବା ନିୟମ ମାନୁଛି ।

ପେଁ ପାଁ ଗାଡି ଧାଉଁଛି ......

କୋଡିଏ ଟଙ୍କାର ମାସ୍କ କୁ ପିନ୍ଧି 

କରୋନା ଲଢିବ କହୁଛି ।

ଲକ ଡାଉନ ବଢି ବଢି ଯାଏ

ପରିବା ଦର ବଢୁଛି ,

ବାଇଗଣ କହେ ପୋଟଳକୁ ଧିରେ 

ଆକାଶ ରେ ମୁଁ ଚଢୁଛି ।

ଖାଇଲା ବାଲା ଖାଉଛି .....

ନ ଖାଇଲା ବାଲା ଚାତକଟେ ପରି

ପାଟିକୁ ମେଲାଇ ରହିଛି ।

ଗାଁ ଗହଳିରେ ତାସ କୁ ଲୁଡୁ

ସଞ୍ଜ ହୋଇଲେ ଜମୁଛି , 

ଲକ ଡାଉନେ ନିଧିଆ ଭାଇନା 

ଫକ ଫକ ଖାଲି ଡେଉଁଛି । 

ଚଷା ଭାଇ ମୁଣ୍ଡ ଘୂରୁଛି .....

ସତରେ ତାହାର ଲକ ଟା ପୁରା

ତଳକୁ ତଳକୁ ଯାଉଛି ।