ଗାନ୍ଧୀ ଜୟନ୍ତୀ
ଗାନ୍ଧୀ ଜୟନ୍ତୀ
ଆଖିରେ ଚଷମା ହାତରେ ଛଡ଼ି
ଧୋତିଟାକୁ ଆଣ୍ଠୁ ନ ଥିଲା ବୁଡି ।
ବଡ଼ ପାହୁଣ୍ଡରେ କରିଛ ଗତି
ଧାଉଁଥିଲେ ସର୍ବେ ପଛରେ ନିତି ।
ଦେବଦୂତ ପରି ହୋଇଲେ ଉଭା
ଦେଶ ବୁଲି ଆମ କରିଲେ ସଭା ।
ନ ଥିଲା ପାଖରେ ଆମର ଅସ୍ତ୍ର
ଦେଶରେ ବୁଣିଲେ ଅହିଂସା ମନ୍ତ୍ର ।
ଶୁଣିଥିଲୁ ଯେବେ ତୁମ ଆହ୍ୱାନ
କରିଲୁ ଦେଶକୁ ଆମେ ଆଚ୍ଛନ୍ନ ।
ତୁମ କାରାଦଣ୍ଡେ ଥିଲୁ କାତର
ନଥିଲା ମୁହଁରେ ଆମ ଉତ୍ତର ।
ଚାଲି ସତ୍ୟ ପଥେ ନକରି ଭୟ
ସେ ଅସହଯୋଗେ ହେଲୁ ବିଜୟ ।
ଛାଡିଲେ ଫିରିଙ୍ଗି ହଟିଲା ଦଙ୍ଗା
ଦେଶରେ ଉଡିଲା ଆମ ତ୍ରିରଙ୍ଗା ।
ଗାଉଛି ଭାରତ ସେ କିମ୍ବଦନ୍ତୀ
ତୁମ ଜନ୍ମ ଦିନ ଗାନ୍ଧୀ ଜୟନ୍ତୀ ।
ରାଜଘାଟେ ଦେଇ ଶ୍ରଦ୍ଧା ସୁମନ
ଆଜି କରୁଅଛୁ ତୁମେ ନମନ ।