ଦୁର୍ଗତୀ ନାଶିନୀ ଦୁର୍ଗା

ଆଶ୍ୱିନ କୃଷ୍ଣ ଅଷ୍ଟମୀ ଶୁଭ ଅବସରେ

ଉତ୍ଥଥିତ ହୁଅ ମା ଦୁର୍ଗେ ଜଗତହିତରେ

ସୁର୍ନିମଳ ନଦ ନଦୀ ପୁଷ୍କରିଣୀ ଜଳ

ଧଉତ କରିବେ ତବ ଚରଣ କମଳ

ସବୁଜ ଗାଲିଚା ଧରା ଯୋଜନ ବିସ୍ତାରି

ତବ ପଦ ସ୍ପର୍ଶେ ଧନ୍ୟ ହେବ ମର୍ତ୍ତ୍ୟ ପୁରୀ

ସୁରମ୍ୟ ପର୍ବତ ମାଳା ଗମ୍ଭୁଜ ପରାଏ

ନୀଳାକାଶ ଦିବ୍ୟ ଚନ୍ଦ୍ର ଯେ ମନେ ହୁଏ

ଉପବନ ସୁସଜ୍ଜିତ କୁସୁମ ଆସନେ

ସୁବାସ ଚହଟେ ମନ୍ଦ ଶୀତଳ ପବନେ

ପ୍ରାଚି ଦିଗେ ଉଷାରାଣୀ କଷାୟ ବସନେ

ସ୍ୱାଗତ ସଙ୍ଗୀତ ଗିରି ନିର୍ଝରିଣୀ ସ୍ୱନେ

ପ୍ରକୃତି ରାଣୀ ଆହା ଶୋଭାର ସମ୍ଭାର

ଦିନୁଦିନ ଖୀଣ ହୁଏ ସ୍ୱାର୍ଥରେ କାହାର

ସାଜସଜ୍ଜା ଦେବୀ ପୂଜା କୃତ୍ରିମ ଦରବେ

ଆଡମ୍ବରେ ଅହ୍ଙଭାବେ ହେଉଅଛି ଏବେ

ତ୍ୟାଗ ନାହିଁ ଭୋଗ ନାହିଁ ସବୁ ଆୟୋଜନ

ପ୍ରତାରଣା ଅସ୍ତ୍ରେ ସଦା ବିତିବାରେ ମନ

ପ୍ରତାପୀ ମଧୁକୈଠର କର୍ଣ୍ଣ ମୂଳୁ ଜାତ

କର୍ଣ୍ଣ ଯନ୍ତ୍ରଣା ରେ ଗାଦି ସଦା ସୁରକ୍ଷିତ

ମୋଟା ଅଙ୍କେ ସିଂହ ଭାଗ କାଢ଼ି ନିଜ ଚଣ୍ଡ

ଯୋଜନା ର ପ୍ରହେଳିକା ଧନ୍ୟ ତାର ମୁଣ୍ଡ

ରକ୍ତ ବୀର୍ଯ୍ୟ ରକ୍ତ ଜାତ ପିଶାଚର ମାନେ

ଗରିବଙ୍କୁ ନ ଛାଡନ୍ତି ନିଷ୍ଠୁର ଏମାନେ

ଜଳ,ଜମି ,ଯୌନ ଲିପ୍ ସୁ ଶୁମ୍ଭ ଯେ ନିଶୁମ୍ଭ

ତାର ସେନା ଭାଙ୍ଗୁଛନ୍ତି ଜନତା ଙ୍କ ଦମ୍ଭ

ସବୁଆଡେ ମାତିଛନ୍ତି ମହିସାର ଚର

ଶିଶୁ କନ୍ୟା, ବୃଦ୍ଧା,ଯୁବା ନ ଥାଏ ବିଚାର

ମଥା ଟେକି ଅଛି ଦୁର୍ନୀତି ର ଦଶ ଶିର

ଦ୍ୱାବିଶ ହସ୍ତକୁ କରିଅଛି ଯେ ବିସ୍ତାର

୧)ଜଳ,୨)ଜମି,୩)ବନଭୂମି୪)ଖଣି ଦ୍ରବ୍ୟ୫)ମଦଭାଣ୍ଡ୬)ଚିଟଫଣ୍ଡ୭)ରାଜକୋଷର ଲୁଣ୍ଠନ୮)କଳାଧନ,୯)ପ୍ରତାପୀଡା,୧୦)ଅବଳା ଦୁଷ୍କର୍ମ

ପାପ ଭାବେ ପ୍ରକମ୍ପିତ ଏହି ଧରାଧାମେ

ଦୁର୍ଗା ନାମେ ଖ୍ୟାତ ମାଗୋ ଦୁର୍ଗତି ନାଶିନୀ

ଶାନ୍ତି ସୁଖ ପ୍ରଦାୟିନୀ କଳୁଷ ନାଶିନୀ

ଆର୍ତ୍ତକଣ୍ଠେ କରୁଅଳି ଘେନ ସଦୟରେ

ଦୁର୍ନୀତି ର ଦଶ ଶିର ଛ୍ଛେଦ କରିବାରେ

ଆନନ୍ଦ ଉଲ୍ଲାସ ସର୍ବେ କରନ୍ତି ତୋ ପୂଜା

ପାପ ନାଶି,ବିଜୟର ଉଡୁ ଧର୍ମ ଧ୍ୱଜା।