ଧିକ୍ ତୁମ ସଭ୍ୟ ସମାଜ.... ଧିକ୍ ତୁମ ସଭ୍ୟତା
ଧିକ୍ ତୁମ ସଭ୍ୟ ସମାଜ.... ଧିକ୍ ତୁମ ସଭ୍ୟତା
ନାରୀ ଚରିତ୍ର ସଂହାର କରିବା
ତୁମ ପାଇଁ ଏକ ଛୋଟ କଥା
କାହିଁକି ନା ନାରୀ ଚରିତ୍ରର ମାପକାଠି
ତୁମ ହୀନ ମାନସିକତା ।
ସେ ନାରୀ ବୋଲି ତା ପାଇଁ ଅନେକ ଶୃଙ୍ଖଳା
କହିଥାଅ ଅନେକ ନୀତି କଥା
କିନ୍ତୁ ତାକୁ ସୁରକ୍ଷା ଦେବାରେ
ହାରିଯାଏ କାହିଁକି ତୁମ ପ୍ରତିବଦ୍ଧତା ।
ତା ପାଇଁ ତୁମ ସମାଜରେ ଅନେକ ଆକଟ ଶିକୁଳି
ନ ମାନିଲେ ଦେଖାଅ ତୁମ ଉଗ୍ରତା
କିନ୍ତୁ ତାକୁ ସମ୍ମାନ ଦେବାରେ
କାହିଁକି ବିଫଳ ହୁଏ ତୁମ ସାମର୍ଥ୍ୟତା ।
ଧିକ୍ ତୁମ ସଭ୍ୟ ସମାଜ.... ଧିକ୍ ତୁମ ସଭ୍ୟତା
ଯେଉଠି ନାରୀ ପ୍ରତ୍ୟକ ଦିନ ପୀଡିତା ଓ ଧର୍ଷିତା
ଧିକ୍ ତୁମ ନୀତି ନିୟମ.... ଧିକ୍ ତୁମ ପାରିବାପଣିଆ
ଯେଉଠି ନାରୀର ନାହିଁ ସ୍ୱାଧିନତା ।।