ବୃକ୍ଷ ରୋପଣ

ଭାତହାଣ୍ଡି ସିଏ ଆହାର ଯୋଗାଏ

ବନ୍ଧୁପରା ମାନବର,

ଏନ୍ତୁଡି ଶାଳରୁ ଜୁଇର ପର୍ଯ୍ଯନ୍ତ 

କରିଥାଏ ଉପକାର।

ଅମ୍ଳଜାନ ଦିଏ ଜୀବନ ବଞ୍ଚାଏ

ବାରିପାତର କାରଣ,

ଦୂଷଣ ଦୂରେଇ ସୁଖରେ ରଖଇ 

କରେ ପାଗ ନିୟନ୍ତ୍ରଣ ।

ପ୍ରକୃତି ଆଧାର ସବୁଜ ସଂସାର 

ପରିବେଶ ସନ୍ତୁଳନ 

ବନ୍ୟପ୍ରାଣୀଙ୍କର ଅତିଆପଣାର 

ଦେଇଥାଏ ବାସସ୍ଥାନ।

ଦେହସୁଖ ଲାଗି ସାଇତିଛି କେତେ 

ଚେର ମୂଳି ଓଉଷଧ 

ଜାତି ଜାତି ଫଳ ବିତରେ ସକଳେ

ନକରଇ କେବେ ଭେଦ ।

ସମୃଦ୍ଧି ନାମରେ ଜଙ୍ଗଲ କାଟଇ

ସବୁଜିମା କରେ ନଷ୍ଟ ,

ପ୍ରକୃତି ଉଜୁଡି ପ୍ରଦୂଷଣ ବଢି

ଜୀବନ ହେଲାଣି ଭ୍ରଷ୍ଟ।

ଡହ ଡହ ଖରା ସଂସାରଟା ସାରା

ମରଣ ଦୁଆରେ ଜୀବ,

ବୃକ୍ଷର ରୋପଣ କେବଳ ସାଧନ 

ନୋହିଲେ ଜଗତ ଯିବ।