ଆସୁଛି କାଳିଆ ସୁନା
ଆସୁଛି କାଳିଆ ସୁନା
ଭାଇ ଭଉଣୀଙ୍କୁ ଧରି ସାଥିରେ
ବରଷକ ପରେ ପୁଣି ଥରେ
ଆସୁଛି କାଳିଆ ଧୀରେ ଧୀରେ
ଦର୍ଶନ ଦେବ ସେ ରଥ ଉପରେ ।
ଅସହ୍ୟ ତାତିକୁ ସହି ନ ପାରି
ଗରା ଗରା ପାଣି ମୁଣ୍ଡରେ ଢ଼ାଳି
ସ୍ନାନ କଲା ଯାଇ ସ୍ନାନ ବେଦୀରେ
ଥରୁଛି ତା' ଦେହ ଥଣ୍ଡା ଜ୍ୱରରେ ।
ସେଥି ପାଇଁ ଅଛି ଅଣସର ରେ
ଦିନ କାଟୁଅଛି ବଡ କଷ୍ଟରେ
ଫୁଲୁରୀ ତେଲର ମାଲିସ ପରେ
ଉଠି ବସିବ ସେ କେଇ ଦିନରେ ।
ଆଗକୁ ଆସୁଛି ତା' ରଥ ଯାତ
ଝୁଲି ଝୁଲି ଯିବ କଳା ସାଆନ୍ତ
ଭଗ୍ନୀ ସୁଭଦ୍ରା ଆଉ ବଳିଆ ଭାଇ
ଆଗ ଚଳି ଯିବେ ଦୁହିଁଙ୍କୁ ଦୁହିଁ ।
ପଛରେ ଆସିବ କଳା କହେଁଇ
ନନ୍ଦିଘୋଷ ରଥେ ବସିବ ଯାଇ
ଅପୂର୍ଵ ଶୋଭାକୁ ସାଥିରେ ଧରି
କୋଟି ଜନ ମନ ନେବ ଚୋରେଇ ।
ଭକ୍ତ ବତ୍ସଳୀୟା ଜଗା କାଳିଆ
କରୁଥାଏ କେତେ ସେ ଲୀଳାଖେଳା
ବାର ମାସରେ ତା' ତେର ପରବ
ସେ ଲାଗି ପରା ସେ ଆମ ଗୌରବ ।
ତାଙ୍କ ପାଦ ତଳେ ବାଢେ ପ୍ରଣତି
କରୋନା ଦାଉରୁ ଦିଅ ମୁକତି
ରଥାରୁଢ଼ ହୋଇ ଜଗତ ପତି
କରୁଣା ଢାଳ ହେ ରଖି ମିନତୀ ।