बुक (पुस्तकं)

बा माझा मला ओरडून सांगायचा

जरा चार बुक शिकून घी

येळ हाय तुह्याकडं लय अजून

आयुष्य सवताच सावरून घी

शिकलो नाही तवा आम्ही म्हणून बघ 

कष्ट आमच्या पाचवीला पूजल

आली आसती चार बुक तर

आमचं आयुष्य आस नसतं झीजल

बुकामधीच सगळ्या आयुष्याच

लय मोठं ज्ञान हाय

लक्षात ठेव त्याशिव

समाजात कुणालाबी किंमत न्हाय

शिकला सवारला म्हंजी

घरा दाराला पुढ घिऊन जाशील

सवताची स्वप्न तू

दिमाखात पूर्ण करशील

नाही शिकला आता तर

तयारी ठेव काबाड कष्टाची

तवा मग तुला हुईल जाणीव

बघ चार बुक न शिकल्याची