सूर्य मावळेल

तो आणि ती

ती लैला हीर ती

तो मजनू रांझा तो

 ती ज्युलिएट रोमिओ तो   १

बिछडले ते खूप दूर गेले

पण तरी एकनिष्ठ राहिले

अनंत काळापासून प्रेमबंधन

नेत्र सदैव बघे छबी निरंतर      २

तो गावी कदा येतसे

निमित्ते लग्ना चिंगी चे

कळलं तीही आहे गावात

फिरला गावभर भिरभिरत      ३

एक दुर्मिळ ध्वनी कानी येई

नि: शब्द क्षणानंतर काही

"सूर्य मावळेल" परवली शब्द

संध्याकाळी संकेतस्थळावर     ४

तो पोचला संकेतस्थळावर

तासभर घालमेल प्रतीक्षेत

ढापणी एक होती तिथे

पण ती काही आलीच नाही       ‌‌ ५

संकेतस्थळावर तीही प्रहरभर

 कपाळीं झेपावणारे केश स्मरत

एक टकल्या तिथे घुटमळत होता

पण तो काही आलाच नाही       ६

नदीच्या पाण्यात गहिरे डोळे शोधत

"सूर्य मावळला रे" ती उद्गारली 

झर्रकन वळला नसलेले केस मागे घेत

नि म्हणाला "मावळेल" परवली आहे   ७

सूर्य मावळेल तेव्हा तू माझेपासून

 दूर नाही मम मिठीत तृप्त असशील

मी धुंदीत स्वप्नात तरंगत राहीन तेव्हा

आज टकल्या नि ढापणी झालो तरी   ८