प्रेमाची बरसात
प्रेमाची बरसात
धुंद या चांद राती
असावा तुझा हात हाती
चांदण्याची साथ असावी
ता-यांची बरसात असावी
मी तुझ्या केसात गुंफावे
तू माझ्या मिठीत यावे
दोघांनीही हरवून जावे
विसरून जावे ‘तू-मी’ पण
शब्दांचे ते सूर नसावे
जगाचे संदर्भही नसावे
स्वप्नापरी ते विश्व असावे
अणूरेणूतही प्रेम दिसावे
हृदयावरती कोरीत जावे
प्रेममयी ते रेशमी क्षण
तुझ्या ओठांची पाकळी फुलावी
मी ही ती अलगद टिपावी
रातीला या सुगंध यावा
प्रणयालाही जाग यावी
असे अपुले प्रेम असावे
चंद्रानेही बघून झूरावे
हृदयानी मग गुंफत जावे
नात्यांची ती हळवी गुंफन