तुला पाहतो मी..
तुला पाहतो मी..
1 min
292
पहाटेच्या गोड स्वप्नात
पारीजाताच्या सुगंधात
हातात घेऊन हात
तुला पाहतो मी...
सकाळच्या कोवळ्या उनात
पाखरांच्या मंजूळ गाण्यात
वा-याच्या हळुवार स्पर्शात
तुला पाहतो मी...
दुपारच्या रखरखत्या उन्हांत
बहरलेल्या गुलमोहरात
श्रृंगार करतांना
तुला पाहतो मी ...
संध्याकाळच्या कातरवेळी
काळोखाची शाल पांघरून
येणा-या रजनीत
तुला पाहतो मी ...
रात्रीच्या गर्द काळोखात
चंद्राच्या मंद प्रकाशात
चांदण्यात फिरतांना
तुला पाहतो मी ...