बाई ग तू अशी कशी?

बाई ग तू अशी 

बाई ग तू तशी 

किती राबलीस तरी

तुझ्याविषयी तक्रारच कशी ??

बाई ग तू अशी 

बाई ग तू तशी 

आला पाहुणा गेला पाहुणा 

अतिथ्य करुन दमतेस ना जराशी ??

बाई ग तू अशी 

बाई ग तू तशी

कुणाला काय हवं काय नको 

लक्षात तरी तू ठेवतेस कशी ??

बाई ग तू अशी 

बाई ग तू तशी 

रूढी आणि परंपरा 

जपतेस अगदी जशीच्या तशी 

तरीसुद्धा 

बाई ग तू अशी 

बाई ग तू तशी 

स्वतः साठी जग जरा 

स्वप्न घेऊन उराशी !!

बघ जरा डोकावून अंतर्मनात

आणि जग कधी तरी हवी तशी!!

किती चौकटीत राहिलीस तरी 

जग म्हणेल 

बाई ग तू अशी कशी??

बाई ग तू अशी कशी??