आज ती...
आज ती...
आज ती मला माझी कविता मागत होती
विचारलं तुला पाहिजे कशाला तर
बहाणे करीत होती...
आज ती थोडी वेगळीच वागत होती
कविमनाला माझ्या थोडं
निरखून पाहत होती...
आज ती माझ्याच दिशेने वाहत चालली होती
अरुंद अशी वाट ही आज
मला छोटी वाटत होती...
आज ती शब्दांशी माझ्या खेळत बसली होती
पाहून मजला का जाणे पण
ती गालात हसली होती...
आज ती मला माझी कविता मागत होती
कविता वाचताना ती अश्रू सांडत होती
अन पाहून मजला ओठांवरती हास्य मांडत होती...
आज ती मला माझी कविता मागत होती...
कवितेच्या प्रेमात ती गुंतून जात होती...
हृदयातील कोऱ्या कागदावर ती माझं प्रेम मांडत होती...
आज ती मला माझी कविता मागत होती...