ശിവ കാശി 💫💕

Part 1

"നിചൂ... നേരം വെളുത്തിട്ട് ഇപ്പോ എത്ര വട്ടായി നിന്നെ വിളിക്കണൂ ന്ന് അറിയോ.. ഇങ്ങനെ ഒരു ഉറക്ക പ്രാന്തി.. ഇന്ന് സ്കൂളിൽ ഒന്നും പോണ്ടേ നിനക്ക്.. എടി നിച്ചൂൂ ..എണീക്കാൻ "

"ഓ എന്തൊരു കഷ്ട്ടാ ശിവേച്ചി... മനുഷ്യൻ ഒന്ന് ഉറങ്ങാനും സമ്മതിക്കില്ലേ.. നേരം വെളുത്ത് വരുന്നല്ലേ ഉള്ളു.. കുറച് കൂടെ കഴിഞ്ഞ് എണീറ്റാ പോരേ "

"ഹാ ഇതാ നന്നായേ.. സമയം 8 മണി ആവൻ ആയി എന്നിട്ടാണോ നേരം വെളുത്തിട്ടില്ല ന്ന് നീ പറയണേ.. ദേ നിച്ചു നീ ഇനിയും കെടന്ന് ഉറങ്ങാനാ പരിപാടി ചാ ഞാൻ എന്റെ പാട്ടിന് കോളേജിൽ പോവും പറഞ്ഞേക്കാം.. പിന്നെ എന്റെ മോൾ ഇന്ന് നടന്ന് സ്കൂളിൽ പോവേണ്ടി വരും.."

"അയ്യോ എന്റെ പൊന്നു ശിവേച്ചി അല്ലേ അങ്ങനെ പറയല്ലേ.. നടന്നു ഞാൻ അവിടെ എത്തുമ്പോക്കും ഒരു നേരം ആവും. ഒരു 10 മിനിറ്റ് ഞാൻ ഓടി പോയി റെഡി ആയിട്ടേ ദേ വരുന്നു.. "

"ഈ പെണ്ണിന്റെ ഒരു കാര്യം 8.30 ക്ക് പോവുന്നതിനു 8 മണി വരെ കെടന്ന് ഉറങ്ങും പിന്നെ ഒരു ഓട്ടപാചില.. കുളിക്കാനും കുടിക്കാനും ഒന്നിനും നേരം കാണില്ല.. ഹാ അവളെ പറഞ്ഞിട്ടും കാര്യല്ല രാത്രിത്തെ അംഗം കഴിഞ്ഞ് ഉറങ്ങാൻ കേടക്കുമ്പോകും നേരം വെളുക്കാൻ ആവും... ന്റെ കിട്ട്യോൾടെ ഒരു വിധി അല്ലാണ്ട് ന്താ പറയാ...ഞാൻ ന്ന പോവാട്ടോ ശിവാ.. അവൾടെ ഒരുക്കം കഴിഞ്ഞിട്ട് രണ്ട് പേരും ഒപ്പം പോയ മതി. ഒറ്റക്ക് നിച്ചുനെ വിടണ്ട... പിന്നെ ചായ ഞാൻ അവിടെ എടുത്ത് വെച്ചിണ്ട് കൊള്ളി പുഴുങ്ങിതും ണ്ട് രണ്ടുപേരും കഴിച്ചിട്ടേ ഇറങ്ങ്യ മതി കേട്ടാല്ലൊ.. ഹാ പിന്നെ ഞാൻ ഭസ്മ തട്ടേൽ ഒരു അഞൂറുപ്പിയ എടുത്ത് വെച്ചിണ്ട് അത് നീ പോവുമ്പോ ഭാഗ് ലെ വെച്ചോ ഇവിടെ വെച്ചു പോണ്ട എങ്ങാനും നിന്റ അച്ചൻ വന്ന അതും കൂടെ കൊണ്ടോവും കളുടിക്കാൻ.. നാളത്തെ കുറിക്ക് കൊടുക്കാൻ വച്ചതാ. പോയ പിന്നെ നാളെ ഞാൻ എവിടന്ന് ണ്ടാക്കാനാ.. "

"ആഹ് അമ്മ പോയിട്ട് വാ. ഞങ്ങൾ കഴിച്ചിട്ടേ ഇറങ്ങൂ.. പൈസ ഞാൻ എടുത്തോളാം.. "

"മ്മ്.. എന്ന ശരി മോളെ രണ്ടുപേരും നോക്കി പോയിട്ട് വാ.. നിചൂ ഞാൻ പോവാണേ.. ചേച്ചീനെ കൂടെ നേരം വൈകിപ്പിക്കാണ്ടേ വേം കുളിച് ഇറങ്ങി ചായ കുടിച് ഇറങ്ങാൻ നോക്ക്..ഉച്ചക്ക് കൊണ്ട് പോവണ ചോർ മുഴോൻ കഴിച്ചൊണം കെട്ടല്ലോ"

ശിവക്കുള്ള പതിവ് ഉമ്മയും കൊടുത്ത് അമ്മ കടയുടെ ചാവിയും എടുത്ത് അവിടെ നിന്ന് പോയി.

"ഒക്കെ അമ്മ ഞാൻ ഏറ്റു.. ഉമ്മാാാ "

"എന്റെ നിച്ചു അമ്മ പോയി... നീ ആ ബാത്രൂമിൽ നിന്ന് ഇങ്ങനെ ഉച്ചേം വിളിം കൂട്ടാതെ ഒന്നിങ്ങട്ട് ഇറങ്ങിയേ.. "

"അമ്മ പോയോ എന്ന ആ ഉമ്മ ചേച്ചി വെച്ചോ.."

(ഇതൊക്കെ ആരാ ന്ന് അല്ലേ .. പറഞ്ഞ് തരാം.. ഇത് 'പുത്തൻ വീട്'.. പുത്തൻ വീട് ന്ന് പേര് മാത്രേ ഇല്ലു ട്ടാ അത്ര പുത്തനൊന്നും അല്ല. നേരത്തെ ചാവിയും എടുത്ത് പുറത്തേക്ക് പോയില്ലേ ദതാണ് ഈ വീട്ടിലെ ഗ്രഹനാഥ ലക്ഷ്മി അമ്മ.. ഒരു പാവം അമ്മ.. ജംഗഷനിൽ ആയിട്ട് ഒരു ചെറിയ പലചരക്ക് കട നടത്തുന്നുണ്ട്. അതിലൂടെ രണ്ട് പെൺ മക്കളെ നോക്കി വള്ർത്തുന്നു.. അതിലെ മൂത്ത മകളാണ് ശിവാനി എന്ന നമ്മുടെ ശിവ..അമ്മയെ പോലെ തന്നെ ഒരു പാവം. ആളിപ്പോ ഡിഗ്രി മൂന്നാം വർഷം പഠിക്കുന്നു..

പിന്നെ ഉള്ളതാണ് നക്ഷത്ര എന്ന നിച്ചു.. ആൾ ചേച്ചീനെ പോലെ അല്ലാട്ടോ ഇച്ചിരി വായാടി ആണ്. ഇപ്പോ പ്ലസ് വണ്ണിൽ പഠിക്കുന്നു.

ശിവയുടെ കോളേജിലേക്ക് പോവുന്ന വഴിയാണ് നിച്ചുവിന്റ് സ്കൂൾ. അത് കൊണ്ട് രണ്ടുപേരും ഒപ്പം ആണ് എന്നും ക്ലാസ്സിന് പോവാർ. ശിവക്ക് അമ്മ കഴിഞ്ഞ വർഷം ഒരു ചിട്ടി പിടിച്ച തുകക്ക് ഒരു സ്കൂട്ടർ വാങ്ങി കൊടുത്തിരുന്നു. പിന്നെ അതിലായി രണ്ടു പേരുടെയും പോക്കും വരവും.

ബെ ദുബായി. ഈ ശിവക്കും നിച്ചുവിനും അമ്മ മാത്രം അല്ല കേട്ടോ ഒരു അച്ഛനും ഉണ്ട്. പേര് മണികണ്ഠൻ. പണി എന്ന് പറയാൻ ലോറി ഡ്രൈവർ ആണ്. പക്ഷെ അതിനേക്കാളും പുള്ളിക് ഇഷ്ട്ടം ഉള്ള പണി ലക്ഷ്മിയെയും മക്കളെയും ബുദ്ധിമുട്ടിക്ക എന്നതാണ്. ഓരോ മക്കൾക്കും പ്രത്യേകിച് പെൺ മക്കൾ ആവുമ്പോൾ അച്ചനായിരിക്കും അവരുടെ ഒരു ഹിറോ അല്ലെങ്കി ബെസ്റ് ഫ്രണ്ട്. പക്ഷെ ശിവക്കും നിച്ചുവിനും അച്ഛൻ എന്ന് കേൾക്കുമ്പോഴെ ഉള്ളിൽ ഭയമാണ്. ലോറി ഓട്ടം കഴിഞ്ഞ് വീട്ടിൽ എത്തുന്ന ദിവസങളിൽ ആ അമ്മക്കും മക്കൾക്കും സമാധാനം എന്ന് പറയുന്നത് ഉണ്ടായിരുന്നില്ല. പണിക്ക് പോയി കിട്ടുന്ന മുഴുവൻ പൈസയും കള്ളുകുടിച് കളയും പോരാത്തനു ലക്ഷ്മി കടയിൽ നിന്നും വിറ്റ് കിട്ടുന്ന തുക കയിൽ കിട്ടിയാൽ അതും കൊണ്ട് പോയി കുടിക്കും. പിന്നെ വീട്ടിൽ എത്തിയ ദേഹോപദ്രവങ്ങൾ ആയിട്ട് അങ്ങനെയും ബുദ്ധിമുട്ടിക്കും. ചുരുക്കം പറഞ്ഞാൽ പേരിന് മാത്രം ഒരു അച്ഛൻ. അതാണ് അവർക്ക് മണികണ്ഠൻ.

ലക്ഷ്മിയുടെയും മണികണ്ഠന്റെയും ലവ് മാരെജ് ആയിരുന്നു. അന്നത്തെ പ്രായത്തിന്റ പക്വത ഇല്ലാത്തതിന്റെ പുറത്തോ ലക്ഷ്മിയുടെ കാലകെടിനോ മണികണ്ഠന്റെ കൂടെ ഇറങ്ങി വന്നു. കല്യാണം കഴിഞ്ഞ ആദ്യത്തെ ഒന്നരണ്ട് ആഴ്ചയൊന്നും കുഴപ്പം ഉണ്ടായിരുന്നില്ല പിന്നെ പിന്നെ മണികണ്ഠന്റെ ഉപദ്രവങ്ങൾ ചെറുതായിട്ട് തുടങ്ങി. രണ്ട് മക്കൾ കൂടെ ഉണ്ടായതോടെ പിന്നെ അവസ്ഥ വളരെ മോശമായി. എന്നും അടിയും വഴക്കും മാത്രമായി.

വല്ല്യേ തറവാട്ടുകാരായ മേലെടത്കാർക്ക് മകൾ ഒരു ലോറി ഡ്രൈവറുടെ കൂടെ പോയി എന്നതിൽ പരം നാണക്കേട് വേറെ ഒന്നും ഉണ്ടായിരുന്നില്ല. അത് കൊണ്ട് തന്നെ ഇന്നത്തെ ഒരു അവസ്ഥയിൽ സഹായത്തിന് പോലും അവരാരും വരില്ല. മണികണ്ഠന്റെ സ്വഭാവം കാരണം സ്വന്തം വീട്ടകാരും അയാളെ അടുപ്പികാറില്ല. സ്വയം വരുത്തി വെച്ച വിധി ആയതിനാൽ ലക്ഷ്മിയും അവരുടെ ആരുടെയും മുന്നിൽ ഇന്ന് വരെ കൈ നീട്ടി ചെന്നിട്ടും ഇല്ല.

അയോ ഞാൻ ഇങ്ങനെ കഥ പറഞ്ഞു നിന്ന ശിവയും നിച്ചുവിനും ക്ലസ് നെ പോവണ്ടേ.. പാവം പിള്ളേരെ ഞാൻ ഇന്ന് വഴക്ക് കേൾപ്പിക്കുന്നവരെ ഉണ്ടാവും. ബാക്കിയൊക്കെ ഇനി നിങ്ങൾ വഴിയേ മനസിലാക്കിയ മതി. ഞാൻ എന്റെ പിള്ളേരെ ഒന്ന് എത്തിക്കട്ടെ )

"നിച്ചു ഒന്ന് വരുന്നുണ്ടോ നീയെ സമയം എത്ര ആയി ന്നോ. നിന്നെ അവിടെ ആകിട്ട് വേണം എനിക്ക് പോവാൻ "

"ഓ ധാ വരുന്നെന്റെ ചേച്ചി.."

വാതിൽ അടച്ചു ചാവി എന്നും വയ്ക്കാറുള്ള സ്ഥാനത് വെച് ഭാഗും എടുത്ത് നിച്ചു ശിവയുടെ അടുത്തേക്ക് ഓടി.

"എന്തിനാ എന്റെ ചേച്ചി പെണ്ണെ ഇങ്ങനെ കെടന്ന് കൂവുന്നേ.. ഞാൻ ഇങ്ങൊട്ട് തന്നെ അല്ലേ വരുന്നേ 😉.. "

"ദേ നിച്ചു എന്നെ കൊണ്ട് ഒന്നും പറയിപ്പിക്കല്ലേ.. നിനക്ക് ഒന്ന് നേരത്തും കാലത്തും എഴുന്നേറ്റ എന്താ.."

"ഞാൻ നേരത്തെ എഴുനേൽക്കണം എങ്കിലേ..ചേച്ചിടെ അച്ഛനോട് രാത്രി ഇങ്ങോട്ട് ഉള്ള വരവ് നിർത്താൻ പറാ.. രാത്രി മുഴുവൻ ഇവിടെ ഉള്ള അങ്ങേരുടെ അരങ്ങേറ്റം കഴിഞ്ഞ് കിടക്കുമ്പോക്കും രാവിലെ ആവും.ആകേ കുറച് നേരത്തെ ഉറക്കം അല്ലേ ഉള്ളു. അത് കൊണ്ട് എണീക്കാൻ ഇച്ചിരി ലേറ്റ് ആയി എന്നൊക്കെ വരും. "

"നിച്ചു ഞാൻ നിന്നോട് പല തവണ പറഞ്ഞിട്ടുണ്ട് അച്ഛനെ അങ്ങേര് ഇങ്ങേര് എന്നൊന്നും വിളിക്കരുത് എന്ന്. എന്തൊക്കെ പറഞ്ഞാലും അത് അച്ഛൻ അല്ലേ അതിന്റെ ബഹുമാനം നമ്മൾ കൊടുക്കണം കേട്ടല്ലോ. "

"ഓ ബഹുമാനിക്കൻ പറ്റിയ ഒരു സാധനം. ഞാൻ ഒന്നും പറയുന്നില്ല. ചേച്ചിക്ക് എങ്ങനെ ഇങ്ങനെ ഒകെ പറയാൻ തോന്നുന്നേ..

ശരി ഇനി വർത്താനം പറഞ്ഞു നേരം കളയാതെ വണ്ടി എടുക്ക് മോളുസേ..."

നിച്ചുവിനോട് ഇനി എന്ത് പറഞ്ഞിട്ടും കാര്യം ഇല്ല എന്ന് ശിവക്ക് അറിയാം. ഓർമ്മ വെച്ച കാലം തോട്ടെ ഒന്ന് സ്നേഹത്തോടെ നോക്കുക പോലും ചെയ്യാത്ത ഒരാളെ അവൾക്ക് എങ്ങനെ അച്ഛൻ ആയി കാണാൻ പറ്റും. മറ്റുള്ള കുട്ടികളെ പോലെ അച്ഛന്റെ കൈ പിടിച്ചു നടക്കാനും ലാളനകൾ എല്കാനും എല്ലാം അവളുടെ കുഞ്ഞു മനസ്സും ആഗ്രഹികുന്നുണ്ടാവില്ലെ.. പാക്ഷെ ആഗ്രഹിക്ക എന്നല്ലാതെ തങ്ങളൾക്ക് അതിനുള്ള ഭാഗ്യം ഒന്നും ദൈവം തന്നിട്ടില്ലല്ലോ..

നിച്ചുവിനെ സ്കൂളിൽ ആക്കി ശിവ കോളേജിൽ എത്തി. പതിവ് പോലെ ഇന്നും ലേറ്റ് ആയിരുന്നു. ഫസ്റ്റ് പീരിയഡ് അക്കൗണ്ടൻസി ആയിരുന്നു. ഗിരീഷ് സാർ ആണ് എടുക്കുന്നത്. ആളൊരു പാവം ആണ് അത് കൊണ്ട് തന്നെ ചീത്തയൊന്നും കേൾക്കാതെ തന്നെ ക്ലസിൽ കയറാൻ പറ്റി.

തന്നെ കാത്ത് ഇരിക്കുകയാണ് അനഘയും തസ്‌നിയും.

ശിവയുടെ ഒറ്റ ചങ്ങാതിമാരാണ് ഇവർ രണ്ട് പേരും. തന്റെ എത് പ്രതിസന്ധിയിലും കൂടെ നിൽക്കുന്നവർ.

"ഇന്നും നിച്ചു എഴുന്നേറ്റില്ലേ ശിവ.. ഇന്നലെ ഉണ്ടായിരുന്നോ അരങ്ങേറ്റം "

"ഒന്നും പറയണ്ട അനു.. പതിവ് തന്നെ "

"ഹും പോട്ടെടാ... ശരി ആവും.. പിന്നെ ഫസ്റ്റ് പിരിയഡ് ഗിരീഷ് സാർ ആയത് കൊണ്ട് നിനക്ക് കുഴപ്പില്യ നിന്റ ആളല്ലേ.."

"അത് അനു പറഞ്ഞത് ശരി ആണ് ശിവ. സാർ ഇത്രയും നേരം നീ വരാത്തോണ്ട് ആകേ പരുങ്ങി നിക്കർന്ന്. ഇപ്പോ കണ്ടില്ലെ എന്തൊരു എനർജിയ നോക്കിക്കെ.. "

"ദേ രണ്ടെണ്ണവും മിണ്ടാതെ വായാടച്ചിരുന്നോ.. വെറുതെ വേണ്ടാദിനം പറയാൻ നിക്കാതെ ക്ലസ് ലെ ശ്രദ്ധിക്കടി പിശാശുക്കളെ "

ശിവയെ ഇനിയും കളിയാക്കിയാൽ കുട്ടി ടെറർ ആവും എന്ന് അറിയാവുന്നത് കൊണ്ട് തസ്‌നിയും അനുവും പിന്നെ നല്ല കുട്ടികൾ ആയി ഒതുങ്ങി ഇരുന്നു.

ശിവ 2nd ഇയറിൽ പഠിക്കുമ്പോൾ ആണ് ഗിരീഷ് സാർ ശിവയുടെ കോളേജിൽ ജോയിൻ ചെയുന്നത്. ചെറിയ പ്രായത്തിൽ തന്നെ ഇങ്ങനെ ഒരു ജോലി വാങ്ങി എടുത്തത് കൊണ്ട് തന്നെ മറ്റ് അധ്യപകർക്കും സാറിനെ വളരെ കാര്യം ആണ്. സൗമ്യമായ സ്വഭാവം ആണ് സർ ന്റെ. എപ്പഴും എല്ലാവർക്കും നൽകാൻ ഒരു പുഞ്ചിരി ഉണ്ടാവും മുഖത്ത്. കാണാനും ഒരു സുമുഖൻ. അത് കൊണ്ട് തന്നെ കോളജിലെ ചില പെൺകുട്ടികളുടെ കണ്ണിൽ ഉണ്ണി എന്ന് പറയാം..

സാറിനു ശിവയെ എന്തോ ഭയങ്കര കാര്യം ആണ്. മറ്റ് കുട്ടികളിൽ നിന്നും അവളുടെ ഒരു ശാന്ത സ്വഭാവവും നിഷ്കളങ്കതയും സംസാരവും എല്ലാം കുറച് നാൾ കൊണ്ട് തന്നെ ശിവയോട് കൂടുതൽ അടുക്കുന്നതിനെ കാരണമായി. മറ്റ് ടീച്ചേർസിൽ നിന്നും അവളുടെ വീട്ടിലെ അവസ്ഥയും കുറച്ചൊക്കെ സാർ \ അറിഞ്ഞിരുന്നു.

ശിവക്ക് ഗിരീഷ്‌ സാർ ഒരു അധ്യാപകൻ എന്നതിലുപരി ഒരു നല്ല സുഹൃത്തായിരുന്നു ആദ്യമൊക്ക. പിന്നീട് എപ്പഴോ സാർ ന് തന്നോട് ഉള്ള പെരുമാറ്റത്തിൽ എന്തൊക്കെയോ മാറ്റം വന്നത് പോലെ. ആദ്യമുണ്ടായിരുന്നത്ര സംസാരം ഉണ്ടാവാറില്ല ഇപ്പോൾ. എങ്കിലും ക്ലാസ്സിലേക്ക് വന്നാലും ക്യമ്പസ്സിൽ വെച്ച കണ്ടാലും തനിക്ക് നേരെ വരുന്ന സാർ ന്റെ കണ്ണുകൾ അവൾ ശ്രദ്ധികുന്നുണ്ടായിരുന്നു. പിന്നെ കോളേജിലെ ചില കുട്ടികളും പറഞ്ഞ തുടങ്ങി ഗിരീഷ് സാർ നെ ശിവാനിയെ ഇഷ്ട്ടം ആണ് എന്ന്. പിന്നെ പിന്നെ അനുവും തസ്‌നിയും അത് ഏറ്റെടുത്ത് ഇടക്ക് കളിയാക്കാനും തുടങ്ങി.

എങ്കിലും ശിവക്ക് മറ്റൊരു തരത്തിലുള്ള അടുപ്പവും സാറിനോട് തോന്നിയിരുന്നില്ല. അത് കൊണ്ട് തന്നെ ചുറ്റുമുള്ള സംസാരമൊന്നും അവളും കാര്യമാക്കി എടുക്കാറില്ല.

ഫസ്റ്റ് പിരിയഡ് നെ ശേഷം പിന്നെ പുതുതായി വന്ന ഫസ്റ്റ് ഇയെർസിനായിട്ടുള്ള പ്രോഗ്രാംസ് ആയതിനാൽ ക്ലസ്സ് ഒന്നും ഉണ്ടായിരുന്നില്ല. അത് കൊണ്ട് തന്നെ. അനുവിന്റെയും തസ്‌നിയുടെയും കൂടെ ഗ്രൗണ്ടിൽ ചെന്ന് ഇരിക്കുകയാണ് ശിവ.

"ശിവാനി "

(തുടരും)

പുതിയ കഥയാണേ... എല്ലാവരുടെയും സപ്പോർട്ടും അഭിപ്രായങ്ങളും പ്രതീക്ഷിക്കുന്നു