ഒരു വേറിട്ട ഗന്ധർവ കഥ

കഥ നടക്കുന്നത് രത്‌നപുരി ഗ്രാമത്തിലാണ്... പച്ചപ്പിൻ പുതപ്പണിഞ്ഞ അതിനിടയിൽ സുന്ദരമായ നീല മലകൾ നിറഞ്ഞ അതിമനോഹരമായ ഗ്രാമമാണ് രത്നപുരി.. അവിടെ അതിമനോഹരിയായ ഒരു പെൺ കുട്ടിയുണ്ടായിരുന്നു... 21 വയസുള്ള അവളുടെ കണ്ണുകൾക്ക് നീല നിറമായിരുന്നു....,വെള്ളാരം കല്ലുപോലെ തിളങ്ങുന്ന നീല കണ്ണുകൾ....അവളുടെ ആ കണ്ണുകൾ തന്നെ അവളുടെ മുഖത്തെ പ്രത്യേക ആകർഷകമുള്ളതാക്കി മാറ്റി, നീണ്ട വടിവൊത്ത ശരീരവും നല്ല ഭംഗിയുള്ള പുരികവും നീണ്ട മനോഹരമായ നാസികയും ഉള്ള അവളുടെ രൂപം പോലെ തന്നെയാണ് അവളുടെ പേരും സുന്ദര ലക്ഷ്മി... അവളുടെ താമസം തറവാട്ടിലാണ്.. അവിടെ നാഗ കാവും ഗന്ധർവ തറയുമൊക്കെയുണ്ട്.. അവളുടെ മുത്തശ്ശിയാണ് അവിടെ നിത്യേന വിളിക്കുവെയ്ക്കാറുള്ളത്, സന്ധ്യക്ക് മുൻപേ അവിടെ വിളക്കുവെയ്ക്കും, സന്ധ്യ കഴിഞ്ഞാൽ സ്ത്രീകൾ അങ്ങോട്ട് കടക്കാൻ പാടില്ലെന്നതാണ് അവരുടെ വിശ്വാസം.. സുന്ദര ലക്ഷ്മിക്കാണെങ്കിൽ ഇതിലൊന്നും ഒരു വിശ്വാസവും ഇല്ല താനും... അവളുടെ ഇങ്ങനെയുള്ള സ്വഭാവത്തിൽ അവളുടെ മുത്തശ്ശിക്കും അമ്മയ്ക്കും അച്ഛനുമൊക്കെ ചെറിയ പരിഭവമൊന്നുമല്ല ഉള്ളത്, കാരണം വിശ്വാസങ്ങളിൽ അധിഷ്ഠിതമായ ജീവിത സാഹചര്യത്തിലാണ് അവർ അവളെ വളർത്തിയത്, എന്നാൽ അവൾ പണ്ടു തൊട്ടേ ആരാധനയൊന്നും ശ്രദ്ധിക്കാതെ നടക്കും... അങ്ങനെയിരിയ്‌ക്കെയാണ് ഞാൻ ഗന്ധർവ്വൻ എന്ന സിനിമ ഇറങ്ങുന്നത്.. അപ്പോൾ അവളുടെ പ്രായം 22 വയസ്... സിനിമകൾ വളരെ യധികം ഇഷ്ടപ്പെട്ടിരുന്ന കുട്ടിയാണ് സുന്ദരി... അമ്മയോടും അച്ഛനോടുമൊപ്പം അവൾ ആ സിനിമ കണ്ടപ്പോൾ അവൾക്ക് അതിലെ ഗന്ധർവ്വനോട് ആരാധന തോന്നി... ഇതൊക്കെ സത്യമാവും മുത്തശ്ശി എപ്പോഴും പറയാറുണ്ടല്ലോ ഗന്ധർവ്വനൊക്കെ ഉണ്ടെന്ന്, അപ്പോൾ അതൊക്കെ സത്യം തന്നെയാണ് അവൾ മനസ്സിൽ മന്ത്രിച്ചു.. തറവാട്ടിൽ വിളക്കുവെയ്ക്കുന്നതും ഇങ്ങനെ ഒരു ഗന്ധർവ്വനെ തന്നെയാണല്ലോ, എനിക്ക് ഗന്ധർവ്വനെ കാണണം, ഇതുപോലെ എന്റടുത്തും ഗന്ധർവ്വൻ വരണം, അവൾ മനസ്സിൽ ദൃഢ നിശ്ചയമെടുത്തു, ഇനി ഗന്ധർവ്വനെ കാണാതെ എനിക്ക് വിശ്രമമില്ല... അവൾ പതിയെ നാഗ ദൈവങ്ങളുടെ ആരാധനയിലും ഗന്ധർവ ആരാധനയിലൊക്കെ താല്പര്യം പ്രകടിപ്പിക്കാൻ തുടങ്ങി..... ഇതറിഞ്ഞ മുത്തശ്ശിക്കും വീട്ടുകാർക്കും വളരെ സന്തോഷമായി, കാരണം ഇങ്ങനെ അവൾ മാറാനായിരുന്നു അവർ കാത്തിരുന്നത് പക്ഷെ അവളുടെ ഉദ്ദേശമെന്താണെന്ന് അവർക്ക് അറിയില്ലല്ലോ... നാഗ തറയിലും ഗന്ധർവ തറയിലും വിളക്ക് വെയ്ക്കുന്ന ജോലി സുന്ദരലക്ഷ്മി ഏറ്റെടുത്തു... നല്ല കുട്ടി, മുത്തശ്ശി പറഞ്ഞു, മോളേ നീ 5 മണിക്ക് തന്നെ അവിടെ വിളക്കു വെയ്ക്കണം കേട്ടോ.. സന്ധ്യ കഴിഞ്ഞാൽ അവിടെ കന്യകയായ സ്ത്രീകൾ പോകാൻ പാടില്ല പ്രത്യേകിച്ചും ഗന്ധർവ തറയിൽ മുത്തശ്ശി അവളെ വീണ്ടും ഓർമിപ്പിച്ചു.....
        മുത്തശ്ശി അങ്ങനെ പറഞ്ഞപ്പോൾ അവൾക്ക് ഒരു കാര്യം വ്യക്തമായി താൻ വിചാരിച്ചപോലെ ഒക്കെ നടക്കണമെങ്കിൽ സന്ധ്യ കഴിയുന്ന സമയത്ത് പോകണം.. മുത്തശ്ശിയുടെ കണ്ണ് വെട്ടിച്ചു അവിടെ പോകണം അവൾ മനസ്സിൽ ഉറപ്പിച്ചു...
        ആഴ്ചകൾ പിന്നിട്ടു, മുത്തശ്ശിയ്ക്ക് പെട്ടെന്ന് നെഞ്ച് വേദന വന്ന് ആശുപത്രിയിൽ കെടുത്തേണ്ട അവസ്ഥ വന്നു, അവളെ തനിച്ചാക്കി അവളുടെ അമ്മയ്ക്കും അച്ഛനും ആശുപത്രിയിൽ നിൽക്കേണ്ട അവസ്ഥ വന്നു... തൊട്ടടുത്തു തന്നെയാണ് ആശുപത്രി അതുകൊണ്ട് അവർക്ക് കൂടുതൽ ബുദ്ധിമുട്ട് തോന്നിയില്ല.. സുന്ദരിയോട് അമ്മയും അച്ഛനും പറഞ്ഞു മോളേ 5 മണിക്ക് തന്നെ 2 സ്ഥലത്തും നീ മുടക്കാതെ ദീപം തെളിയിക്കണം, രാത്രിയിൽ അപ്പുറത്തെ അമ്മായിയുടെ വീട്ടിൽ നീ ഉറങ്ങിയാൽ മതി.. ഇവിടെ തനിച്ചു കെടുക്കേണ്ട കേട്ടോ മോളേ.. എല്ലാം തലകുലുക്കി അവൾ സമ്മതിച്ചു...
   പക്ഷെ അവിടെ നടന്നത് മറ്റൊന്നായിരുന്നു... അവർ ആശുപത്രിയിൽ പോയ ആ ദിവസം തന്നെ അവൾ രാത്രി 7 മണിയോട് കൂടെ ഗന്ധർവ തറയിൽ പോയി എന്നിട്ട് ഗന്ധർവ തറയിൽ നോക്കി പറഞ്ഞു, ഗന്ധർവ എനിക്ക് നിങ്ങളെ കാണണം, ഞാൻ വിവാഹം കഴിക്കില്ല, ഞാൻ ഗന്ധർവ്വന് വേണ്ടി കാത്തിരിയ്ക്കാണ്, എനിക്കറിയാം സുന്ദരിയായ കന്യകയായ എന്നെ അങ്ങേയ്ക്ക് ഇഷ്ടമാവുമെന്ന്, ഞാൻ ഗന്ധർവ്വൻ വന്നിട്ടെ ഈ കാവിൽ നിന്നും മടങ്ങൂ..... അവളുടെ ശബ്ദത്തിലെ ഗാoഭീര്യത്തിൽ അവിടെ ശക്തമായ കാറ്റ് പെട്ടെന്ന് വീശിയടിച്ചു ....... അവൾ കൊളുത്തിയ തിരി കെട്ടുപോയി...... ആകെ അന്ധകാരം പേടിപ്പിക്കുന്ന അനുഭൂതി നൽകി........ ഗന്ധർവ്വ തറയുടെ പിറകിലെ കൂറ്റൻ പാലമരത്തിലെ പൂക്കൾ മുഴുവൻ അവളുടെ മുഖത്തും തലയിലും ശക്തമായി അടിച്ചു വീണു..... ഇപ്പോൾ അവൾ ശരിയ്ക്കും ഭയന്നു........ തിരിച്ച് വീട്ടിലേക്ക് തിരിഞ്ഞ് നടന്നപ്പോൾ ഒരു ശക്തമായ കൈ കൊണ്ടുള്ള പ്രഹരം അവളുടെ കവിളിൽ പതിച്ചത് അവൾ അറിഞ്ഞു.....ചുറ്റും ഇരുട്ടു മൂടിയ ആ കാവിൽ പെട്ടെന്ന് നിലാവെളിച്ചം നിറഞ്ഞൊഴുകി.......ആ കല്ലിൽ നിന്നും ഒരു പ്രകാശരൂപം ഒഴുകി വരുന്നത് അവൾ കണ്ടു........ അവളുടെ മുമ്പിൽ എത്തിയപ്പോൾ അതൊരു സുന്ദരനായ യുവാവായിമാറി.....അത്രയും തേജസുള്ള ആൾ ഗന്ധർവ്വനാണെന്ന് അവൾക്കു മനസ്സിലായി..... ഗന്ധർവൻ......!! അവൾ മന്ത്രിച്ചു....... കോപം നിറഞ്ഞ ഗന്ധർവന്റെ കണ്ണിൽ നിന്നും ചുവന്ന പ്രകാശം നിറഞ്ഞാ ഴുകി അവളുടെ നേരെ കനൽ കാറ്റ് വീശുന്നതായാണ് അവൾക്ക് തോന്നിയത്..... ഗന്ധർവ്വൻ കോപത്തോടെ വിളിച്ചു .... സുന്ദരീ..... നീ എന്നെ കുറിച്ചെന്താണ് കരുതിയത്....... സ്വർഗ്ഗത്തിലെ ഗായകരായ ഞങ്ങൾ വികാരത്തിന് അടിമകളാണെന്നോ മനുഷ്യരെ പോലെ......😡😡😡 നിനക്കു തെറ്റി ഞങ്ങൾക്ക് ഭാര്യമാരായിട്ട് ഭൂമിയിലെ കന്യകമാർക്ക് സ്വപ്നം പോലും കാണാൻ സാധിക്കാത്ത വിധം സൗന്ദര്യമുള്ള അപസര സുന്ദരിമാർ ഉണ്ട്...... പക്ഷെ നിങ്ങൾ ഞങ്ങളെ വെറും ഭൂമിയിലെ ലൗകിക സുഖം മോഹിച്ച് പെണ്ണുങ്ങളുടെ പുറകെ നടക്കുന്ന വായ നോക്കിയും വികാര ജീവികളുമായിട്ടാണ് കാണുന്നത്....... എന്നാൽ ഇനി അങ്ങനത്തെ ചിന്ത വേണ്ട.... ഞങ്ങൾ ദേവന്മാർ തന്നെയാണ്... തപസ്സ് , പൂജകൾ എന്നീ പുണ്യകർമ്മങ്ങൾ ചെയ്യുകയാണ് ഞങ്ങളുടെകർമ്മം....പിന്നെ ആകാശമാർഗ്ഗത്തിലൂടെ ഞങ്ങൾ ഭൂമിയിലൂടെ സഞ്ചരിക്കുന്നത് ഇവിടെയുള്ള ജനങ്ങളിൽ ഇപ്പോൾ നന്മയാണോ തിന്മയാണോ കൂടുതൽ എന്ന് മനസ്സിലാക്കി തിന്മ ചെയ്യുന്നവരുടെ ഉപബോധ മനസ്സിൽ നന്മയുടെ വിത്ത് പാകുവാനാണ്.....
   നിങ്ങളിൽ ചില സ്ത്രീകൾ ഞാൻ അവരുടെ കൂടെ കാമുകനായിട്ട് ഉണ്ട് എന്ന് വെറുതെ ചിന്തിച്ച് മനസ്സുകൊണ്ട് ഓരോന്നും സൃഷ്ടിച്ച് എന്നെ അപമാനിക്കുകയാണ് ചെയ്യുന്നത്... അതിന്റെ പരിണത ഫലം എന്താണെന്ന് സുന്ദരിക്ക് അറിയുമോ ? ഗന്ധർവന്റെ ചോദ്യം പെട്ടെന്നായിരുന്നു.... ഇല്ല എന്ന് അവൾ ആംഗ്യംകാട്ടി... നിങ്ങൾക്കും നിങ്ങളുടെ പരമ്പരയ്ക്കും ജീവിതത്തിൽ സർവ്വ നാശങ്ങൾ സംഭവിക്കും........
പറ്റിയ അബദ്ധം മനസ്സിലാക്കിയ അവൾ ഗന്ധർവന്റെ കാലു പിടിച്ച് മാപ്പ് ചോദിച്ചു....... ഗന്ധർവ്വൻ പിന്നീട് അവളോട് സംസാരിച്ചത് സൗമ്യതയിൽ ആയിരുന്നു.......നിനക്ക് ഞാൻ ഒരു കടമ തരാം അത് നീ ചെയ്താൽ നിനക്കും നിന്റെ കുടുംബത്തിനും എന്റെ അനുഗ്രഹം ഉണ്ടാകും...എന്താണ് അത് !!! അവൾ ചോദിച്ചു..... ഗന്ധർവന്മാർ എന്താണെന്ന് ഞാനീ പറഞ്ഞ രഹസ്യം നീ എല്ലാവരേയും അറിയിക്കണം....... അവൾ സമ്മതം മൂളിയപ്പോൾ ഒരു പുഞ്ചിരി നൽകി ഗന്ധർവ്വൻ അപ്രത്യക്ഷനായി........ അവൾ ഗന്ധർവ്വനു കൊടുത്ത ആ വാക്ക് പാലിച്ചു...... അവൾക്ക് അറിയാവുന്നവരോടൊക്കെ അവൾ ഈ സത്യം പറഞ്ഞു ..... അവൾക്ക് നല്ല ഒരു വിവാഹം നടന്നു;
 അവളുടെ കുടുംബത്തിൽ സന്തോഷങ്ങൾ മാത്രം ഭവിച്ചു..... 
                   ശുഭം
                          written by
                      ശ്രീജ ടി പി