നിങ്ങളോട്

എന്നെയൊന്നു കെട്ടിപിടിക്കാമോ...?

കളിചിരികളുള്ള എന്നെ...

മനസ്സിൽ ഒന്നും ഒളിപ്പിക്കാതെ പൊട്ടിച്ചിരിക്കുന്ന എന്നെ...

ഒരുപാടു ഓടിക്കഴിഞ്ഞും വിയർത്തു നിൽക്കുന്ന എന്നെ...

മനസ്സിൽ മുറിവുകൾ ഉണക്കി വച്ചിരിക്കുന്ന എന്നെ...

എന്നോടൊന്ന് സംസാരിക്കാമോ...?

തമാശകൾ മാത്രം പറയുന്ന എന്നെ...

ഇപ്പോഴും ബാല്യമെന്ന് കരുതുന്ന എന്നെ...

നരവീണത് കൂട്ടുകാർക്കാണെന്ന് പറയുന്ന എന്നെ...

ഇപ്പോഴും ജോലി ഒന്നും ശരിയാകാത്ത എന്നെ...

എന്നെ കൂടെയൊന്നു ഇരുത്താമോ...?

സങ്കടങ്ങൾ പറയാൻ വെമ്പുന്ന എന്നെ...

ഓർമകളിൽ മുങ്ങുവാൻ കൊതിക്കുന്ന എന്നെ...

സൗഹൃദങ്ങളിൽ ഊഷ്മളത കാണുന്ന എന്നെ...

അകലങ്ങളിലേക്ക് ഒഴുകുവാൻ നോക്കുന്ന എന്നെ...

എന്നോടൊത്ത് നടക്കാമോ...?

തണൽമരങ്ങളുടെ തണുപിഷ്ടപ്പെടുന്ന എന്നെ...

മഴത്തുള്ളികളുടെ നനുനനപിഷ്ടപ്പെടുന്ന എന്നെ...

പുതുമണ്ണിന്റെ മണം ശ്വസിക്കുന്ന എന്നെ....

രംഗബോധമില്ലാത്ത കോമാളിയായ എന്നെ...