હું ગુજરાતી

હું ગરવી ગુજરાતી, મારુ સ્વમાન ગુજરાતી,

અન્ય ભાષા બધી માસી, બોલું એ મા સમી ગુજરાતી.

હું હસું, રડું, ને રમુ, જે પણ કરું અભિવ્યક્તિ ગુજરાતી,

પરિવારમાં મિત્રો સાથે બોલાતી, મા તરફથી મળી ભાષા ગુજરાતી.

વિચારુ, વિહરૂ, લખુ, લાગણીઓનો એ અનુભવ ગુજરાતી,

વિકસુ, વિસ્તરુ અને આગળ વધુ, બધી જ જગ્યાએ હું ગુજરાતી.

આગવી ઓળખ આપી અને લોકસાહિત્ય ગાવ હું ગુજરાતી,

દેશ અને દુનિયાભરમાં પહોંચ્યો, છેક અંતરિક્ષ સુધી ગુજરાતી.

હૃદયનો ધબકાર ગુજરાતી, મારો અભિમાન મારો શ્વાસ ગુજરાતી,

એ જીવાડે મને હેતથી, જો હું જીવાડું માતૃભાષા ગુજરાતી.

ઉજવણી, ઉત્સાહ, કે આંદોલન મારી અભિવ્યક્તિ ગુજરાતી,

મારા વિચારો, મારા સપના, મારું મૂળ બસ ગુજરાતી.