દીકરી છું પણ વ્હાલી
દીકરી છું પણ વ્હાલી
બની દીકરી જન્મી છું હું આ આંગણમાં,
મમ્મી-પપ્પાની વ્હાલી બનવાં આવી જગતમાં,
બની ફૂલ ખીલી હું આ સુંદર બાગમાં,
સુવાસ ફેલાવવાં આવી છું આ પરીવારમાં,
બની કમળ ઉગી છું હું આ સરોવરમાં,
શીખવાં જ્ઞાનનાં પાથ આ જીવનમાં,
બની અભણ આવી છું આ શાળામાં,
પાઠ શીખવાં માટે સારા સંસ્કારનાં,
બની પતંગિયું ઉડુ છું આ વનરાવનમાં,
પુરાં કરવાં અરમાન ઉડીશ આકાશમાં,
બની ખુશી આવી છું આ સુંદર ઘરમાં,
ખુશીઓ ફેલાવવાં મારા કુટુંબમાં,
બની પારકી ચાલી જઈશ બીજા ઘરમાં,
યાદો છોડીને બધી આ પરિવારમાં,
બની મહેમાન પછી આવીશ આ ઘરમાં,
ખોવાઈ જઈશ હું મારાં ભૂતકાળમાં.