આત્મા

આનંદી આત્મા આનંદમાં રહેજો

સરખા માનીને સુખ દુઃખ

આત્મા આનંદમાં રહેજો

સગવડ સુખ છે, અગવડ દુઃખ છે

મનના માનીલા સુખ દુઃખ

આત્મા આનંદમાં રહેજો

 

ભાગ્યમાં હોય તે ભોગવી લેવાનું

સંકટ પડે ત્યારે સહન કરવાનું

સમય સમય બલવાન

આત્મા આનંદમાં રહેજો

ભક્તિનો ભાવ તમે રુદિયામાં રાખજો

સુખ અને દુઃખ તો તડકોને છાંયડો

હિંમત કદી ના હાર

આત્મા આનંદમાં રહેજો

આજે મળ્યું તે પ્રેમથી સ્વીકાર જો

કાલના વિચારમાં કદી ના રહેજો

દેવા વાળો છે દાતાર

આત્મા આનંદમાં રહેજો

            

પાંચ તત્વોની કાયા બનેલી

ઊડી જતાં નહિ લાગે વાર

આત્મા આનંદમાં રહેજો

નરસિંહ મહેતાના સ્વામી શામળા

મીરા તે બાઈના ગિરધર ગોપાલા

આત્મા આનંદમાં રહેજો