તૂટી જશે ગાગાલગા_૪

શ્વાસો તણું આ પીંજરું જોને હવે તૂટી જશે,

આ જિંદગાનીનો મુસાફર રાહમાં છૂટી જશે,

આ સાવ જૂૂૂઠી મોહમાયામાં ફસાતો તું નહીં,

તારા કર્મોથી જો ઘડો આ પાપનો ફૂટી જશે,

તાસીર જોઈને જમાનાની હવે તું જીવજે,

જીવીશ કોઈના ભરોસે તો બધા લૂંટી જશે,

પૈસા કમાવા મૂકતો ના આંધળી આ દોટતું,

જ્યારે હશે જાહોજલાલી શ્વાસ આ ખૂટી જશે,

આ જિંદગીમાં હારથી જો તું પડી ભાંંગીશ તો,

મંઝિલની સાથે જ તારી જીત જો રૂઠી જશે.