બારી !

તરૂ અને વનને તમે આમ નાખો નહિ વાઢી

એની કદર કરવા તમે રાખી નથી એક બારી

જોઈએ છે રોજ શુદ્ધ હવા ખોરાક ને પાણી

પ્લાસ્ટિક પ્રદૂષણ માટે રાખી નથી એક બારી

ગ્લોબલ વોર્મિંગથી ઝેરી કરી દુનિયા આખી

ભાવિ પેઢી માટે તમે રાખી નથી એક બારી

પ્રકૃતિની સાથે  તમે  કરો નહિ મગજ મારી

કુદરત રૂઠે છે ત્યારે મળતી  નથી એક બારી

ખિલવાડ કરી સજીવ સૃષ્ટિની દશા હણી કાઢી

મહામારીમાંથી ઉગરવા રાખી નથી એક બારી

વાવ્યા નહિ વૃક્ષોને હવે જોઈએ છે લીલી વાડી

'વાલમ' શ્વાસ લેવા માટે રાખી નથી એક બારી