జీవితాలను వెలిగించే దీపం!

రీలు తుపాకీలు..టపాకుల రీళ్లూ..

తాళ్లు.. తారాజువ్వలూ..

కాకరపుల్లలు..పాము బిళ్ళలూ..

థౌజండ్ వాలాలు..టైగర్ సరాలు

మతాబుల మోతలు.. పిండి వంటలూ..

అందరిలో ఆనందాలు..దీపావళి తెచ్చిన దీప్తులు!

రోజూ నేను దర్జాగా నడిచే రోడ్డుపై తిరగను

ఏ తారాజువ్వో నా చొక్కాలో చొచ్చుకొనిపోతుందని!

రోజూ నేను ఎగతాళి చేసే మా వీధి పిల్లల జోలికిపోను

ఎక్కడ నా మీద వెలిగించిన వంకాయ బాంబు వేస్తారో అని!!

ఈ రోజు ఎంతో ఆనందిస్తాను 

చెడుపై మంచి గెలిచిందని

ఈ రోజు ఎంతో ఆలోచించాను

నాలోని చెడు చీకట్లను మంచి చేత పారద్రోలాలని

ఈ రోజు నుండి ఆచరిస్తాను

నా మంచితనం చేత పదిమంది జీవితాలను వెలిగిస్తానని