நூலகம்
சுயவிவரம்
Tamilin kural
Tamilin kural
*தமிழின் குரல் *
தமிழின் குரல் கேட்கிறதா உனக்கு?
அது வெறும் மொழி அல்ல,
அது நம் மூதாதையரின் மூச்சு.
கல்தோன்றி மண்தோன்றா காலத்தே,
முன்தோன்றிய மூத்த குரல் இது.
சங்கம் வளர்த்த குரல்,
சிலப்பதிகாரம் பாடிய குரல்,
திருக்குறளாய் உலகை வென்ற குரல்.
தமிழின் குரல் என்பது என்ன தெரியுமா?
தாயின் தாலாட்டில் தொடங்கி,
தாத்தாவின் கதையில் தொடர்ந்து,
பள்ளியின் முதல் எழுத்தில் மலரும் குரல்.
அது அம்மா என்ற இரண்டு எழுத்தில் அன்பை சொல்லும்,
அப்பா என்ற எழுத்தில் அரவணைப்பை சொல்லும்,
அண்ணன் தம்பி தங்கை என உறவை பின்னும்.
காட்டில் வீசும் காற்றிலும் தமிழ் இருக்கு,
கடலின் அலையிலும் தமிழ் இருக்கு,
வயலின் நெற்கதிரிலும் தமிழ் இருக்கு,
வீரனின் வாளிலும் தமிழ் இருக்கு.
ஆயிரம் மொழிகள் வந்தாலும்,
அம்மாவின் மொழி போல் ஆகுமா?
தமிழ் எங்கள் உயிர்,
தமிழ் எங்கள் உணர்வு,
தமிழ் எங்கள் அடையாளம்.
இன்று உலகம் முழுவதும் பரவி,
கணினியிலும் கலக்கிறது தமிழின் குரல்.
அமெரிக்காவில் ஒலிக்கிறது,
லண்டனில் ஒலிக்கிறது,
சிங்கப்பூரில் ஆட்சி செய்கிறது.
அந்த குரலை காப்பது நம் கடமை,
அடுத்த தலைமுறைக்கு கொடுப்பது நம் பொறுப்பு.
தமிழ் வாழ்ந்தால் நாம் வாழ்வோம்,
தமிழின் குரல் ஓயாமல் ஒலிக்கட்டும்,
என்றென்றும் வானம் வரை!
