போர்ப்பந்தல்
போர்ப்பந்தல்
என் இனம் காக்க
எதிர்த்தோரை எரித்தேன்
பணிந்தோரை புதைத்தேன்
பிறர் வலியில் வலிமை கொண்டேன்
உயிர் பிரிவில் உயர்ந்து நின்றேன்
சுவாசம் தீர்ந்த சடலத்தில் சாந்தம் கண்டேன்
என்னை எதிர்க்காத தலைகுனிவும்
பணியாத பாவனையும் உன்னில் கண்டேன்
உனக்கே அறியாமல்
உன்னில் என்னை புரியச்செய்தாய்
இவையாவும் என் இனம் காக்க கட்டியதன்று
என் தனிமை தீர்க்க திரட்டியதென்று
உனக்கே அறியாமல்
என்னுள் நிரம்பிய நீ இனத்தை தகர்த்தாய்
உனக்கே அறியாமல்
உன்னில் என்னை வென்றாய்
தோல்வியை ஏற்கவிரும்பா அறிவு
பிரிவை ஏற்கவிரும்பா அன்பு
தூரம் துரத்தி வெல்ல நினைத்தேன்
உயிர்தப்பி வென்று நின்றாய்
அன்பை வெல்ல ஆயுதம் உண்டோ!!!
உனக்கே அறியாமல்
உன்னில் என்னை புதையவும் செய்தாய்
மறக்கவும் நினைக்கவில்லை
நினைக்கவும் மறக்கவில்லை
மன்றாடி மடிந்தேன் மனதோடு
மனம் நொந்து தவித்தேன் உன் நினைவோடு
என்றாவதொருநாள் உனை வந்துசேர்ந்து
கொண்டாடி மகிழ்வேன் என் கரத்தோடு