କନ୍ୟାଟିଏ ଅମୂଲ୍ୟ ରତ୍ନଟିଏ

ମିତାଲି ଦାସ (ମୁନି)କୁ ତାର ବାପା ମାଆ (ତାପସ ବାବୁ ଓ ମୀନା) ଯେତେବେଳେ ପାଠ ପଢଉଥିଲେ, ସାହିପଡିଶା ଲୋକ ଖୁବ୍ ହସୁଥିଲେ |

ପୁଅ ହେଇଥିଲେ ପାଠର ମୂଲ୍ଯ ରହନ୍ତା ବାପା ମାଆର ନାଁ ରଖନ୍ତା , ଝିଅଟା ପର ଘରେ ହାଣ୍ଡି ଧୋଇବ ଏସବୁ କ'ଣ ଦରକାର ଏତେ ପାଠ | ଘରକରଣା ଶିଖିଲେ ସୁଖ ଶାନ୍ତିରେ ସଂସାର କରି ଭଲ ବୋହୂ, ବାପା ମାଆର ଭଲ ଝିଅ ବୋଲି ନାଁ କରିବ | ହେଲେ ଦୃଢମନା ମୁନି କେବେ ପଛକୁ ଚାହିଁ ନ ଥିଲା |

ଆଜି ସକାଳୁ ଖବର ଆସିଲା ସୀମା ବିଦ୍ରୋହରେ ଓଡିଆ ଝିଅ ମୀତାଲି ଦାସ(ମୁନି) ଶହୀଦ ଓ ଚାରିଜଣ ଆତଙ୍କୀଙ୍କ ମୃତ୍ୟୁ | ବାପା ମାଆଙ୍କ ଆଖିରେ ଲୁହ | ସେ ଲୁହ ଦୁଃଖର ନୁହେଁ | ଜଣେ ବୀରା ନାରୀର ଜନ୍ମଦାତା ଭାବରେ ସେ ଖୁବ୍ ଗର୍ବିତ ଥିଲେ | ହେଲେ ହୃଦୟର ସନ୍ତାନ ସ୍ନେହ ସେମାନଙ୍କୁ ଖୁବ୍ ବିଦାରିତ କରି ଦେଉଥିଲା ||

ମୃତ ଶରୀର ଆସି ଯେବେ ପହଞ୍ଚିଲା ଜାତୀୟ ସମ୍ମାନରେ, ଗାଁ ଦାଣ୍ଡ ଫାଟି ପଡୁଥିଲା ଜୟ ଜବାନ୍ ଧ୍ବନିରେ | ସାହି ପଡିଶାଙ୍କ ଆଖିରେ ଲୁହ ସୁନା ଝିଅଟା ସମସ୍ତଙ୍କୁ ଛାଡି ଅମର ହୋଇଗଲା |

ସମସ୍ତେ କହୁଥିଲେ ଏଭଳି ଝିଅ ସବୁ ବାପା ମାଆଙ୍କୁ ମିଳୁ ||

କନ୍ୟାଟିଏ ଅମୂଲ୍ଯ ରତ୍ନଟିଏ