ଗୁରୁ
ଗୁରୁ
ହେ ଗୁରୁଦେବ ବରେଣ୍ୟ ଈଶ୍ବର
ଜଗତ କଲ୍ୟାଣ ପାଇଁ
ଜ୍ଞାନ ଦୀପାଳି ରେ ଶିକ୍ଷା ଘୃତ ରୂପେ
ଜଳିଲ ସଳିତା ହୋଇ l
କର୍ମ ସମ୍ପାଦିଲ ସୁଯଶ ରଚିଲ
ଗଢ଼ିଲ ଅନେକ ବ୍ୟକ୍ତି
ତୁମରି ହାତରେ ଅଜ୍ଞାନ ଦୂରେଇ
ଦେଖାଇଲ ଦିବ୍ୟଶକ୍ତି l
ତୁମ ଦିବ୍ୟାଲୋକେ ଅଜ୍ଞାନ ତମସା
ଛାଏଁ ଛାଏଁ ଯାଏ ଦୂରେ
ଚାଲିଯିବ ଆଜି ଆମ ଗହଣ ରୁ
ଆତ୍ମା ପକ୍ଷୀ ଆମ ଝୁରେ l
ପରଶେ ପରଶେ ପରଶ ମଣି ତ
ମାଟିକୁ ବି କରେ ସୁନା
ତୁମ ସୁପରଶ ସୃଷ୍ଟି କରିଦିଏ
ବିଷାଦେ ଆନନ୍ଦ ମନା l
ସୁସ୍ଥ ନିରାମୟେ ତବ ଦିନ ଯାଉ
ଏତିକି କାମନା ଆମ
ପ୍ରଭୁ ଚକାଆଖି ପାଦେ ମୋ ବିନତି
ଜଣାଇ ଯୋଡ଼ ପ୍ରଣାମ l