Audio

Forum

Read

Contests

Language


Write

Sign in
Wohoo!,
Dear user,
ଯାତ୍ରା
ଯାତ୍ରା
★★★★★

© Eli Mohanty

Inspirational

1 Minutes   6.7K    6


Content Ranking

ଯାତ୍ରା ପାଇଁ ଗଢା ହେଉଛି ଦେବୀ ମୂର୍ତ୍ତି

ନଡା, ଦି' ମାଟିଆ ,

ହୁଂକାମାଟି ପରେ.....

ଶିଳ୍ପୀର ମନ୍ତ୍ରିତ ନିହାଣରୁ

ଦେବୀର କପାଳରେ ଦୁର୍ଦ୍ଦଶ ଅଗ୍ନିର ଜ୍ୱାଳା

ସାରା ସଂସାରର ଅନ୍ଧାର ମୁକ୍ତି ମାଗୁଛି

ଦେବୀର କେଶରେ ।

ଏଥର,

ବହଳେ କୁହୁଡି ଧରି

ଯୋଡ ହସ୍ତେ ଶିଳ୍ପୀ

ଗଢିବ

ଆଖି !

ଓଃ......!!

ଆଖି......??

ଶିଳ୍ପୀ ଭୁଲି ସାରିଥିବା ଶେଷତମ ବିଦ୍ୟା

ବିପର୍ଯ୍ୟସ୍ତ ଅଂଗାର କଣିକା....!!

ଆଉ ଛାତି........??

ଛାତି ପାଇଁ ଲୋଡା ଜୀଅନ୍ତା କଲିଜା !!

ଏକାଠି ହେଲେ ଶିଳ୍ପୀ କୂଳ

ଓଟାରିଲେ ନିଜ ନିଜ ଛାତି

ହାୟ....!!

ବିନା କଲିଜାର ପୁରୁଷ ଛାତି ?

ଅସମ୍ଭବ.....!!

ଉଠ ଦାସେ ଉଠ

ଅଣ୍ଟିରେ ଥାଉ ବାଦାମ ଚୋପା

ସ୍ୱଚ୍ଛ ଭାରତ ଅଭିଯାନରେ

ଗର୍ଜୁଛି ତେଣେ ଅନୁ ମହାନ୍ତି

ସେତକ ବରଂ ସାଇତା ଥାଉ

ଆମ ଚୁଲୀ ପାଇଁ ।

ସମୟ ସରିବା ଆଗରୁ

ସେମାନେ ଦେବୀର ଛାତିରେ ରୋଇଦେବେ

ନିଜ ନିଜ କଲିଜାହୀନ ଛାତିର ଅବସୋସ ଓ

ଧ୍ୱଜଭଂଗର କରୁଣ ସିତ୍କାର

ହାତରେ ଧରେଇଦେବେ ଡମ୍ବରୁ

ଦେବୀ ସବୁକାଳେ ଦେବୀ ହବାକୁ ବାଧ୍ୟ !!

ଦେବୀ ସବୁ ଯୁଗରେ

ହୀନବଳ ଶିଳ୍ପୀ ର ମାଇପି ସ୍ୱର !!

ଆଉ ଦେଖିବ

ସବୁ ପରାଜୟ ରେ ହିଁ ଗଢା ହେଇଥିବ ଅସୁର !

ଚାଲ ଚାଲ

ଏବେ ଫେରିଯିବା ଆମ ଘରକୁ

ସେଠିକି ବି ଶୁଣାଯିବ

ଦେବୀର ଗର୍ଜନ ।

ଦେବୀ ଏଣିକି ଖୋଜିବ ଖାଣ୍ଟି କଲିଜା ଥିବା ଗୋଟେ

ଦୁର୍ଦ୍ଦାନ୍ତ ଅସୁର !!

ଓଃ....

ଦୁର୍ଗା...ଦୁର୍ଗା.....!!

କେତେଥର ଏମିତି ମିଛରେ ଗଢି ହେବୁ ମା' .....??

ଯାତ୍ରା ଶିଳ୍ପୀ ଅନ୍ଧାର

Rate the content


Originality
Flow
Language
Cover design

Comments

Post


Some text some message..