ଚିତ୍ର ଆଖିର ବାଘ :

ନିଆଁ ପରି ରାତି

ହୁତ ହୁତ ଜଳୁଛି ,ଜାଳୁଛି ନୀରବରେ

ତରଳୁଛି ଜଂଗଲର ଯୈାବନ......

କୋଉ ପକ୍ଷୀର ସ୍ୱର କେଜାଣି

ଏ ସମୟରେ ଶୁଭୁଛି ଆର୍ତ୍ତନାଦ ପରି

ପବନ ଢାଂକିରଖୁଛି ଜଂଗଲର

ଅନାଵୃତ ବକ୍ଷୋଜ...

ବାଘ ପରି କିଛି ପ୍ରଖର

ଦୈାଡୁଛି ଧମନୀରେ......!!

ସାରା ଜଂଗଲ ଖେଦି ଯାଉଛି ବାଘ !

ବାଘ ପାଇଁ,

ରାତିଟିଏ ଜଳିଯିବା

ଭୁଲ ନୁହେଁ.....

ପାପ ନୁହେଁ......

ବରଂ ସେ ପ୍ରଶ୍ୱାସ ପରି ଛାତି ଭିତରେ ଗୁଡେଇ ଗୁଡେଇ ଘୋଷାରି ଆଣୁଛି

ଜଂଗଲର ସବୁ ରାସ୍ତା

ଯୋଉଠି ପାଦ ଥାପି ଥାପି ଫେରୁଛି ତା ପ୍ରେମିକା.......!!