રણકાર ઝીલ્યા
રણકાર ઝીલ્યા
સૂરજના કિરણોએ અંધારું છેદીને ઝગમગતો ઝીલ્યો ચમકારો
તરણાંની કાયામાં આળસ મરડીને ઉઠે પાછલી રાતના આકારો
છમછમતો છમછમતો રણકારો..
શબરી એ ચાખીને બોર એક દીધું તે બોર હતું મધ જેવું મીઠું
દુબળી એ કાયાને પાંપણના પછવાડે મઘમઘતું હેત આજ દીઠું
નજરુંથી નીતરતા વ્હાલભરા શબ્દોથી દલડાંમાં ધકધકતાં થડકારો
છમછમતો છમછમતો રણકારો..
તારી જ વાતો ને તારી જ બોલીમાં ખીલ્યાં છે ફૂલડાંઓ સતરંગી
જીવતરના આંગણામાં રોજ રોજ નિતનવા ગીત ગાઉં રંગ રંગી
તરસી આ ધરતીને અમૃતના બેક ટીપાં આપી દે હરિ મને સધિયારો
છમછમતો છમછમતો રણકારો..