End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

Prasanna Kumar Madala

Thriller


1.5  

Prasanna Kumar Madala

Thriller


ଷଡ଼ଯନ୍ତ୍ର

ଷଡ଼ଯନ୍ତ୍ର

2 mins 151 2 mins 151

   ସମ୍ପୂର୍ଣ୍ଣ ପ୍ରାମାଣିକ ନହେଲେ ମଧ୍ୟ କେତେକ ଘଟଣାଚକ୍ରକୁ ଅନୁଧ୍ୟାନ କରି ଏକ ସାଂଘାତିକ ନିଷ୍କର୍ଷରେ ପହଞ୍ଚିବାକୁ ବାଧ୍ୟ ହେଲି । ଆମେରିକୀୟ ଗୁଇନ୍ଦା ବିଭାଗ ଦାବି କରିଛି ଯେ ବିଗତ ଅଳ୍ପଦିନ ମଧ୍ୟରେ ଚାଇନାର ପ୍ରାୟ ୮୧ ଲକ୍ଷ ମୋବାଇଲ ଉପଭୋକ୍ତାଙ୍କ ସନ୍ଧାନ ମିଳୁନାହିଁ । ପୂର୍ବରୁ ଶୁଣିଥିଲି ଯେ ହଜାର ହଜାର ସଂଖ୍ୟାରେ ଶବଦାହ ଯୋଗୁଁ ବୁହାନ୍ ସହର ଉପରସ୍ଥ ବାୟୁମଣ୍ଡଳରେ ଫସ୍-ଫରସ୍ ମାତ୍ରା ବଢି ଯାଇଥିବାର ପ୍ରମାଣ ସେଟଲାଇଟ୍ ପାଇ ପାରିଛି । ଏହାଛଡ଼ା ଚାଇନାର ଜନୈକ ନିର୍ବାସିତ ବ୍ୟବସାୟୀ ଚାଇନାରେ କରୋନା ଭୂତାଣୁର ଆବିର୍ଭାବ ତଥା ପରିଣାମ ବଶତଃ ସେଠାରେ ହୋଇଥିବା ମୃତ୍ୟୁସଂଖ୍ୟା ସମ୍ପର୍କରେ ଚାଞ୍ଚଲ୍ୟକର ତଥ୍ୟ ଦେଇଛନ୍ତି । ଚୀନରୁ ସୃଷ୍ଟି ହୋଇଥିବା ଏହି ଆତଙ୍କ ସତରେ କଣ ସେମାନଙ୍କ ଦ୍ଵାରା ରଚିତ ଏକ ପରିକଳ୍ପିତ ଷଡ଼ଯନ୍ତ୍ର ?    ବିଭିନ୍ନ ବ୍ୟବସାୟିକ କଟକଣା ଭିତରେ ଦୁର୍ବଳ ହୋଇ ଯାଇଥିବା ଚାଇନିଜ୍ ଅର୍ଥନୀତି କରୋନା ଫଳରେ ଆହୁରି ଦୁର୍ବଳ ହୋଇଥିବା ଯେତିକି ସତ , ୟୁରୋପୀୟ ଅର୍ଥନୀତି ଏହା ତୁଳନାରେ ଅଧିକ ଭୁଶୁଡ଼ି ଯାଇଥିବା ତା'ଠାରୁ ବେଶି ସତ । ଆମେରିକା ଓ ୟୁରୋପର ତଳିତଳାନ୍ତ ହୋଇଯାଇଥିବା ଅନେକ କମ୍ପାନୀର ଅଂଶଧନ ଅତି ଶସ୍ତାରେ ଏବେ ଚୀନ ସରକାର କିଣି ନେଇଛନ୍ତି । କମ୍ ସମୟ ମଧ୍ୟରେ କରୋନାକୁ ନିୟନ୍ତ୍ରଣ କରି ପାରିଥିବା ଚୀନ ଏବେ ସେହି କମ୍ପାନୀ ଗୁଡ଼ିକ ଉପରେ ପ୍ରଭୁତ୍ବ ବିସ୍ତାର କରି ପରବର୍ତ୍ତୀ ପର୍ଯ୍ୟାୟରେ ବହୁଗୁଣରେ ଲାଭାନ୍ବିତ ହେବାର ଯୋଜନା ରଖିନାହିଁ କି ?     ଏହା ଯେ ସୁନିୟୋଜିତ ଏକ ଷଡ଼ଯନ୍ତ୍ର , ଏହି ଧାରଣା ବେଳୁବେଳ ଘନୀଭୂତ ହେଉଛି ମୋ ମତରେ । କରୋନା ବ୍ୟାପିବାର ତିନି ସପ୍ତାହ ପୂର୍ବରୁ ସେମାନେ ଏଥିପାଇଁ ପ୍ରସ୍ତୁତି ଚଳାଇଥିବା ଜଣା ପଡିଛି । ନହେଲେ ମାତ୍ର ୧୪ ଦିନରେ ୧୨୦୦୦ ଶଯ୍ୟା ବିଶିଷ୍ଟ ଏକ ସ୍ଵତନ୍ତ୍ର ଚିକିତ୍ସାଳୟ ନିର୍ମାଣ କରିବା ଏତେ ସହଜ ନୁହେଁ । ଏବେ ନିକଟରେ କରୋନାକୁ ଜିତି ଯାଇଥିବାର ଉତ୍ସବ କରି ସେମାନେ ଏହି ଦାବି ମଧ୍ୟ କରିଛନ୍ତି ଯେ ଆବଶ୍ୟକୀୟ ପ୍ରତିରୋଧକ ଔଷଧ ପ୍ରସ୍ତୁତ କରିବାରେ ସଫଳ ହୋଇ ପାରିଛନ୍ତି । ନିଜେ ଷଡଯନ୍ତ୍ରକାରୀ ଏ' ସମ୍ବନ୍ଧିତ ସୂତ୍ରର ଅଧିକାରୀ ହୋଇଥିବାରୁ କମ୍ ସମୟ ଭିତରେ ସମସ୍ତ ଜେନେଟିକ୍ ସୂଚନା ଏକତ୍ରିତ କରି ଏଭଳି ଗବେଷଣାଲବ୍ଧ ନିଷ୍କର୍ଷରେ ଉପନୀତ ହୋଇଥିବା ଅନୁମେୟ । ନାଟକୀୟ ଭାବେ ଭାଙ୍ଗି ଯାଇଥିବା ପାଶ୍ଚାତ୍ୟ କମ୍ପାନୀ ଗୁଡିକୁ କ୍ରୟ କରି ଉତ୍ପାଦ ଓ ଟେକ୍ନୋଲୋଜି ପୁଣି ସାରା ବିଶ୍ବକୁ ଅଧିକ ମୂଲ୍ୟରେ ରପ୍ତାନୀ କରିବା ଏମାନଙ୍କ ଲକ୍ଷ୍ୟ ନୁହେଁ ତ !!    ସବୁଠାରୁ ଆଶ୍ଚର୍ଯ୍ୟର କଥା , ଏଯାବତ ରୁଷିଆ କି ଉତ୍ତର କୋରିଆ ଏ ପ୍ରଭାବରୁ ମୁକ୍ତ ରହିଲେ କିପରି । ଏହି ଦୁଇ ରାଷ୍ଟ୍ର ସହିତ ଚୀନର ଦୃଢ଼ ସମ୍ପର୍କ ସମ୍ବନ୍ଧରେ କାହାକୁ ଅଜଣା ନଥିବ । ପୁନଶ୍ଚ ବୁହାନ୍ ସହର ବ୍ୟତୀତ ବିଶାଳ ଭୂକ୍ଷେତ୍ର ଓ ଘନ ଜନବସତି ବିଶିଷ୍ଟ ଚୀନର ଅନ୍ୟ ଅଞ୍ଚଳକୁ ଏହା ବ୍ୟାପିବାରେ କିଭଳି ଅକ୍ଷମ ହେଲା ? ଏସବୁ ପ୍ରତି ଗଭୀର ଚିନ୍ତନ କଲେ ଏହା ସାମ୍ରାଜ୍ୟବାଦୀ କମ୍ୟୁନିଷ୍ଟ ମାନଙ୍କର ଏକ ଭୟାନକ ଷଡ଼ଯନ୍ତ୍ର ବୋଲି ବୋଧ ହେଉନାହିଁ କି ?


Rate this content
Log in

More oriya story from Prasanna Kumar Madala

Similar oriya story from Thriller