End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

Sachidananda Kar

Tragedy


2.5  

Sachidananda Kar

Tragedy


ପ୍ରେମରେ

ପ୍ରେମରେ

2 mins 170 2 mins 170


        ସବୁ କଥାକୁ ଓଠ ତଳେ ଚାପି ରଖି ହୁଏ କ'ଣ !

        ଜୀବନ ନିଶ୍ଚିତ ନା ସୁଖ ନିଶ୍ଚିତ !

        ସବୁ ସ୍ବପ୍ନ ସତ ହୁଏ ନା ସବୁବେଳେ ସତ ସାଥି ମିଳିଥାନ୍ତି !

        ଆକାଶଟା କେବେ କେବେ ପାଖରେ ଥିବା ଭଳି ଲାଗିଲେ ବି କେବେ କେବେ ଲାଗେ ଯେମିତି ବହୂ ଦୂରରେ ତା'ର ଅବସ୍ଥିତି ।

        ପର କରି ହୁଏ କି ମା'କୁ !

        ମିଛର ଆବରଣ ତଳେ ରହିଲେ ବି କ'ଣ ଜାଣି ପାରେନି ମା' !

        ସବୁବେଳେ ସୁଖ ନୁହେଁ,ବେଳେବେଳେ ଦୁଃଖ ବି ହାତ ଠାରି ଡାକେ । ବର୍ଷା ବତୁରା କାନ୍ଥ ପରି ପୁଳା ପୁଳା ହୋଇ ଖସି ପଡେ ବିଶ୍ବାସ । ପ୍ରେମତରୁର ଶାଖାରୁ ଗଜୁରୀ ଆସେ ପ୍ରତାରଣା ।

        ଧୀରେଧୀରେ ଏସବୁ ବୁଝିଗଲା ମଂଜୁ । ସତକଥା ଖୋଲି ଦେବାକୁ ଯାଇ ମା'କୁ କହିଲା - ' ମା' , ସେ ପିଲା ମୋତେ ଭଲପାଏ । ମୁଁ ମଧ୍ୟ ତାକୁ ଭଲପାଏ । ଆମ ଦୁହିଙ୍କ ମଧ୍ୟରେ ଗୋଟିଏ ନିଆରା ସଂପର୍କ ଗଢି ଉଠିଛି । ମୋତେ ସ୍ବପ୍ନ ଦେଖିବାକୁ ଶକ୍ତି, ପ୍ରେରଣା, ଉତ୍ସାହ ଦେଇଛି ସେ । ଦେଇଛି ଭରସା, ବିଶ୍ୱାସ । ଆଉ ଭଲ ମନ୍ଦ କିଛି ନ ବିଚାରି ମୁଁ ତାକୁ ମୋର ମନ, ଆତ୍ମା , ଦେହ ସମର୍ପି ଦେଇଛି । ମିଛ କହିବି କାହିଁକି । ଏବେ ତା'ରି କାରଣରୁ ମୁଁ ଚାରି ମାସର ଗର୍ଭବତୀ । '

         ବାସ୍ ! ଗୋଟିଏ ପ୍ରଚଣ୍ଡ ବିସ୍ଫୋରଣ ଯେପରି ଘଟିଗଲା ମା'ର କାନ ପାଖରେ । ସେ ଏକାବେଳକେ ଅନ୍ଧ , ମୂକ ଓ ବଧିର ପାଲଟିଗଲା । ତା' ପାଦ ତଳେ ଆଉ ମାଟି ନ ଥିଲା ।

         ପ୍ରେମରେ - ବନ୍ଧୁ ଯେତିକି ପାଖରେ ସେତିକି ଦୂରେ ।

         ପ୍ରେମରେ - ବନ୍ଧୁ ଯେତିକି ବିଶ୍ବାସର ସେତିକି ଅବିଶ୍ବାସର ।

         ପ୍ରେମରେ - ପ୍ରତିଶ୍ରୁତି ଯେତିକି ସହଜ , ପ୍ରତାରଣା ବି ସେତିକି ।

         ପ୍ରେମରେ - ସୁଖ ଯେତିକି ଦୁଃଖ ସେତିକି ।

         ଦିନେ ଏସବୁ ସାବ୍ୟସ୍ତ ହୋଇଗଲା ମଂଜୁର ଜୀବନରେ । ହଠାତ୍ କେଉଁଆଡେ ନିଖୋଜ ହୋଇଗଲା ତା'ର ସେହି ପ୍ରେମିକ ପିଲାଟି ।

         ଦୁଃଖ ଏତେ ସହଜରେ ଛାଡିଯାଏ କ'ଣ !

         ଏବଂ ଏହି କାରଣରୁ ମଂଜୁର ଅନିଶ୍ଚିତ ଭବିଷ୍ୟତକୁ ଭାଳି ଭାଳି ଦିନେ ତା'ର ଦୁଃଖିନୀ ମା'ଟା ଆରପାରିକି ଚାଲିଗଲା ।

         ଏବେ ଗୋଟେ ନୁଆଁଣିଆ ନଡା ଛପର ଘରେ ସେ,ତା'ର ଦୁଃଖ ଓ ତା' ସହିତ ଥିଲା ତା' ପେଟରେ ବଢୁଥିବା ପିଲା ।

          ନଡା ଛପର ତଳିରୁ ଝରୁଥିଲା ବୁନ୍ଦା ବୁନ୍ଦା ବର୍ଷା ପାଣି । ସନ୍ତସନ୍ତିଆ ଲାଗୁଥିଲା ମାଟି ଚଟାଣ । ଶିଉଳି ଲଗା ଭଙ୍ଗା ଇଟା କାନ୍ଥ ଉପରେ ଅଜାଡି ପଡୁଥିଲା ବଜ୍ର ଶଦ୍ଦ । ପଚା କୋତରା ଛଣ ବିଡା ଖସି ପଡୁଥିଲା ବାରମ୍ବାର । ନିଜର ଗର୍ଭକୁ ଧରି ମଂଜୁ ପଡି ରହିଥିଲା ତା' ଭିତରେ । ଏଇ ବର୍ଷା ଋତୁରେ ତା'ର ଗର୍ଭକୁ ନ'ମାସ ପୁରିବାକୁ ଯାଉଥିଲା ।

          ଗର୍ଭ କଷ୍ଟ , ତା' ସାଙ୍ଗକୁ ଭୋକ ଉପାସ । ଭାରି ଛଟପଟ ହେଉଥିଲା ବିଚାରୀ ।

          ଆପଣା କର୍ମରଫଳ । ଆଉ କିଏ ଭୋଗିବ କାହିଁକି !


Rate this content
Log in

More oriya story from Sachidananda Kar

Similar oriya story from Tragedy