ଉତ୍ତମ ଗୁଣ

ଗୁରୁମା ଆସି କହିଲେ ହସି

          ଶୁଣରେ ପିଲେ ଶୁଣ

କହିବି ସବୁ ବୁଝାଇ ଆଜି

            ଯେତେ ଉତ୍ତମ ଗୁଣ ।

ସବୁଠୁ ଭଲ ଶୃଙ୍ଖଳା ଜ୍ଞାନ

           କଲେ ୟାକୁ ପାଳନ

ହୋଇବ ଦିନେ ଭଲ ମଣିଷ

          ଜଗତେ ହେବ ଧନ୍ୟ ।

ବିଦ୍ୟାଳୟ ରେ ମଧ୍ୟାହ୍ନ ବେଳେ

          ଧାଡିରେ ଠିଆ ହୋଇ

ଭୋଜନ ନେବ ମନ ଖୁସିରେ

           ଝଗଡା ହେବ ନାହିଁ ।

ମନ୍ଦିର ଗଲେ ଖୁସି ମନରେ

          ଧାଡିରେ ଧୈର୍ଯ୍ୟ ଧର

ତୁମକୁ ଦେଖି ଦେବତା ଦି ଅଁ

          ଦେବେଟି ଯାଚି ବର ।

ରାସ୍ତାର ବାମ ପାଖରେ ସଦା

          ଯିବରେ ଚାଲି ଚାଲି

ଅନ୍ଧ ଓ ଛୋଟା ଦେଖିବ ଯେବେ

          ରାସ୍ତା କରିବ ପାରି ।

ଘର ଅଗଣା ରଖିବ ତୁମେ

           ନିଇତି ପରିଷ୍କାର

ମଶା ଓ ମାଛି ଦୁରେଇ ଯିବେ

         ହୋଇବ ନାହିଁ ଜ୍ୱର ।

ପାଖ ପଡୋଶୀ ଲୋକମାନଙ୍କୁ

        କରିବ ସଚେତନ

ରହିବେ ସଦା ସଫା ସୁତର

         ଖୁସି ରହିବ ମନ ।

ମାନିବ ବାପା ମାଙ୍କ କଥା

         ମାନିବ ଗୁରୁଜନ

ଭଲ ମଣିଷ ହୋଇବ ତୁମେ

          ପାଳି ଉତ୍ତମ ଗୁଣ ।