ଲାଇବ୍ରେରୀ
ପ୍ରୋଫାଇଲ୍
ସଫଳତା ପାଇଁ ଆଶିଷ ଦେଉତୁ ଢାଳି
ସଫଳତା ପାଇଁ ଆଶିଷ ଦେଉତୁ ଢାଳି
1 min
353
ବୋଉ ମୋ ବୋଉ
ସଂସାର ଜଞ୍ଜାଳ ଘର ପରିବାର
ଅଳି ଅରଦଳି ଅଝଟ ଆମର
ଏତେ କଷଣ ତୁ କେମିତି କେଜାଣି
ପାଷାଣ ପରିଲୋ ସହୁ
ବୋଉ ମୋ ବୋଉ..
ମୁହଁ ଖୋଲି ମୋର ମନଦରଜକୁ
ବୁକୁ ତଳର ମୋ ଅକୁହା କୋହକୁ
ତୋ ଆଗରେ ପରା
କହିବା ଆଗରୁ
କହଲୋ କେମିତି
ବୁଝି ପାରୁ ସବୁ
ମୁହଁକୁ ମୋ ଚାହୁଁ ଚାହୁଁ
ସଫଳତା ମୋର ଦେଖିବା ପାଇଁକି
ପାଣି କରୁ ଲୁହ ଲହୁ
ବୋଉ ମୋ ବୋଉ...
ଆସୁ ଯେତେ ଧକ୍କା ଆସୁଲୋ ବିପଦ
ସବୁ ଦୁଃଖ ମୋର ସବୁ ଅବସାଦ
ଯାଏଲୋ ଉଭେଇ
ପଣତରେ ତୋର
କଅଁଳ ହାତରେ
ମୋ ମୁହଁ କୁ ଯେବେ
ଶରଧାରେ ପୋଛିଦେଉ
ପାଦେପାଦେେ ମୋର ସଫଳତା ପାଇଁ
ଆଶିଷ ତୁ ଢାଳିଦେଉ
ବୋଉ ମୋ ବୋଉ....।
