ପ୍ରିୟା ପାଇଁ କିଛି

ଆଜି କାହିଁ ମୋ କାନ ପାଖେ କିଏ ବଜାଏ ମିଠା ବଂଶୀ

ଆଖି ବୁଜିଦେଲେ ଚାଲି ଯାଏ କେହି ଜଣେ ରାଜହଂସୀ

ପବନରେ ଭାସି ଆସେ ଆଜି କାହିଁ ପ୍ରେମ ସଂଗୀତର ସୁ

ର୍ହଁ ମୁଁ ଏତିକି ଜାଣେ ତା ଆଗେ ଫିକା ପଡ଼ିଯିବ କୋହିନୁର୍

ନୀରବ ସେ ଓଠ ଆଜି ମୋ ପାଇଁ ଗାଉଛି ପ୍ରେମର ଗଜଲ୍

ହାଏ ଛାତିକୁ ମୋ ଚିରି ଦିଏ ତାର ଛଟା ଆଖିର କାଜଲ୍ 

ସ୍ବପ୍ନ ରାତ୍ରିର ଘନ ଅନ୍ଧାରରେ ସେ ଝାପ୍ସା ମୁହଁ ମୁଁ ଦେଖିଛି

ଯେବେଠୁ ଦେଖିଛି ଅଥୟ ଏ ମନ ତାର ଠିକଣା ଖୋଜୁଛି

ସେହି ପ୍ରତିଛବି ପ୍ରତିଦିନ ଆସି ସ୍ୱପ୍ନର ଲହଡ଼ି ଭାଙ୍ଗେ

ମନ ମୋ କାହିଁ ଆଜି ଅଦିନ ହୋଲିରେ ଭିଜେ ପ୍ରେମର ରଙ୍ଗେ

ଗ୍ରୀଷ୍ମ ଋତୁରେ ଆଜି କାହିଁ ମଳୟ ପବନ ଯାଉଛି ବହି

ଜାଣିନି ଏ କେଉଁ ନୂଆ ଦୁନିଆରେ ଆସି ଗଲିଣି ମୁଁ ରହି

ଆଖି ଆଗେ ନାଚି ଯାଏ ସେ ହସ ହସ ଭରା ତୁମରି ଓଠ

ସେଇ ଟିକେ ହସ ଦେଖିବାକୁ ହୁଏ ମନ ମୋର ଛଟପଟ

ନୀଳ ଆକାଶକୁ ଚାହିଁଦେଲେ କାହିଁ ଦିଶିଯାଏ ତୁମ ମୁହଁ

ମନ ଯମୁନାରେ ବାରମ୍ବାର ଆସେ ତୁମ ଭାବନାର ସୁଅ

ଭଲ ମୋତେ ପାଅ ବୋଲି, ଥରୁଟିଏ ଓଠ ଖୋଲି କହିଦିଅ

ଜାଣୁ ଏ ଦୁନିଆ ତୁମେ ମୋତେ ହୃଦୟରୁ କେତେ ଭଲପାଅ

ଦୁନିଆର ସବୁ ବାଜି ଯିବି ମୁଁ ଜିତି କହୁଛି ଆଜି ସତ

ହାତ ଉପରେ ମୋ ରହିଥିବ ଯେବେ ଖାଲି ତୁମରି ହାତ 

ହୃଦୟ କାଗଜରେ ମୋର ଅଙ୍କା ଖାଲି ତୁମରି ପ୍ରତିଛବି

ଜିଇଁଥିବା ଯାଏଁ ଗୋ ପ୍ରିୟା ମୁଁ ତୁମକୁ ହିଁ ଭଲ ପାଉଥିବି ।