ପୌରୁଷ
ପୌରୁଷ
ପୁରୁଷ ପଣିଆ ଥାଏ କର୍ତ୍ତବ୍ୟରେ
କଥାକୁହେ ବାକ୍ୟବୀର
କଥା ଯାର କାମେ ହୁଏ ପ୍ରମାଣିତ
ସେହି ଖୁସି ପୌରୁଷର l
ରାଗ କ୍ରୋଧ ହିଂସା ନୁହେଁ ପରାକ୍ରମ
ପରାକ୍ରମ ସଫଳତା
ବାହାଦୁରୀ ଗୁଣ ଅକର୍ମାର ଜାଣ
କାର୍ଯ୍ୟ ଶୂନ୍ୟ ବିଫଳତା l
ପରିବାର ସେବା ମନେ ଧ୍ୟାନ ଦେବା
ପିତା ମାତା ଖୁସି ଯାର
ଝଗଡା ବିହୀନ ଖୁସିର ସଂସାର
ଲକ୍ଷଣ ଯେ ପୌରୁଷର l
ସନ୍ତାନ ସନ୍ତତି ଅଭାବ ନିବୃତ୍ତି
କର୍ମରେ ସହାନୁଭୂତି
ପତ୍ନୀ ମନ ବୁଝି ସେବା ଅନୁରକ୍ତି
ପୁରୁଷର ରହେ ମତି l
ଅବୁଝା ପଣିଆ ପତ୍ନୀ ପରେ ରାଗ
ବାହାସ୍ଫୁଟ ଅଯୋଗ୍ୟତା
ବିରକ୍ତି ଭାବନା ଗାଳି କାରନାମା
ଦେଖାଣିଆ ପୌରୁଷତା l
ଧନ ସମ୍ପତ୍ତିର ରକ୍ଷଣ ବିକାଶ
ସଦାଚାରେ ପ୍ରତିଷ୍ଠିତ
ସଦ ଚରିତ୍ରର ବ୍ୟକ୍ତିତ୍ୱ ଯାହାର
ସେହି ଏକା ପୌରୁଷିତ l
ମଣିଷ ପଣିଆ ଯେ ମାନବିକତା
ସାଧୁତା ଯାହାର ରକ୍ତ
ସହନ ଶୀଳତା ପୌରୁଷ ଲକ୍ଷଣ
ଧୈର୍ଯ୍ୟବାନ ବ୍ୟକ୍ତି ସେତ l
ଦାନ ଧର୍ମ ଗୁଣ ମିଳେ ସନମାନ
ସମାଜେ ତାର ଆଦର
ସୁକର୍ମେ ପୁରୁଷ ଭରା ପୌରୁଷ
ପ୍ରତି ମୁଖେ ପ୍ରଶଂସାର ।