ଏ ଶରୀର ଭଡ଼ାଘର

ଏ ଶରୀର ଭଡ଼ାଘର

ମାଲିକ ହିଁ ତୁମେ ମୋର 

ନେଉଛି ଯତନ ତା'ର

କାଳେ ଭାଙ୍ଗିବ ସେ ଘର l

ଯେତେ ନେଲେ ଯତ୍ନ ତା'ର

ହେବ ନାହିଁ ଆପଣାର 

ହେବ ସେ ପୁରୁଣା ମୋର 

ଆସିବ ଶୂନ୍ୟେ ଜୁଆର l

ଲିଭିଯିବ ବତୀ ତା'ର

ଘୋଟିବ ଘୋର ଅନ୍ଧାର 

ହେବ ନାହିଁ ତା' ଉଦ୍ଧାର 

ହୋଇଯିବି ସାତ ପର l

ନିମିଷେ ହୋଇବ ଦୂର

ରହିବନି ସେ ଶରୀର 

ଘଟ ଛାଡିବ ଶରୀର 

ଖୋଜିଯିବ ବାଟ ତା'ର l

କେଉଁଠି ମିଳିବ ଘର

କର୍ମ କରେ ତା' ବିଚାର 

ଏ ଶରୀର ଭଡ଼ାଘର

ମାଲିକ କରିବ ଦୂର l

କେହି ନୁହେଁ ତା' ନିଜର

ସଭିଙ୍କୁ କରଇ ଦୂର 

ଦୁଃଖ ନାହିଁ ପ୍ରଭୁ ମୋର

ସବୁ ଦାନ ତ ତୁମର l

କେଉଁଠି ମିଳିବ ଘର

କରିବ ତୁମେ ବିଚାର 

ସମୟ କହିବ ତା'ର

କିଏ ପର ଆପଣାର l

ଧାଉଁଛି ସମୀପେ ତୋର 

ଭକ୍ତି ରହୁ ନିରନ୍ତର

ଏ ଶରୀର ଭଡ଼ାଘର

ମାଲିକ ହିଁ ତୁମେ ମୋର l