ମହାର୍ଘ ପର୍ବେ

ଫଗୁ ଫଗୁଣର

ରଙ୍ଗ ପାର୍ବଣର

ପ୍ରୀତି ତରଙ୍ଗୀଣୀ ସାଜି

ମୁଁହ ମାନଚିତ୍ର

ଚର୍ଚିତ ଚରିତ୍ର

ହେବ। ଏକାକାର ଆଜି

ସଙ୍ଗେ ରଙ୍ଗେ ଭିଜି ଭାଜି ।

ଚିମୁଟେ ଅବିର 

କପାଳେ ପ୍ରହାର

ମାରିଦେବା ହସି ହସି

ନାଲିଆ ନେଳିଆ

ଗାଲରେ ନେସିଆ'

ଖୁସି ହୋଲି ର ବକ୍ଷଘସି 

ଅନ୍ତର ଯୋଡିବା ମିଶିମାସି ।

ଛଣା ପଣା ପାନୀୟ

ମିଠା ପିଠା ଯାବତୀୟ

ଥଣ୍ଡା ମଣ୍ଡା ପାଥେୟ

ଖୋଇବା ଖାଇବା ମହାନନ୍ଦେ ସର୍ବେ

ଗାଇବା ନାଚିବା ଭଙ୍ଗେ

ରଙ୍ଗ ବରଷିବ ଉମଙ୍ଗେ

ବୁଣି ବିଞ୍ଚି ଖୁସି ତରଙ୍ଗେ

ବରଷକେ ଥରେ ଆସିଛି ଗର୍ବେ

ପ୍ରେମ ପ୍ରୀତି ମାଖ ମହାର୍ଘ ପର୍ବେ ।