ଜଳ ଆମର ଜୀବନ

ଜଳହିଁ ଆମର ଜୀବନ ଭାଇ 

         କର ନାହିଁ ତା'ର ଅପଚୟ 

ଜଳ ସଂରକ୍ଷଣ କରିବା ଆସ 

         ସୁବ୍ୟବହାରେ କରି ସଞ୍ଚୟ ll

ସବୁରି ଜୀବନ ସଂଚାର ଲାଗି 

     ଏଇ ଜଳ ଆମେ ଦେବାରେ ବାଣ୍ଟି 

ନିପନ୍ତା ମରୁରେ ନଗର ପଲ୍ଲୀରେ 

       ଜଳ ବିନା କା'ର ନଶୁଖୁ ତଣ୍ଟି ll

ବଣ ପାହାଡର ମୂଲକ ରାଇଜେ 

        ଜଳର ଅଭାବ କରିବା ଦୂର 

ଦୂଷିତ ପାଣିକୁ ବ୍ୟବହାର କରି 

      ନହୁଅନ୍ତୁ କେହି ରୋଗ ଶିକାର ll

ବଢାଇବା ଆମେ ସାହାଯ୍ୟର ହାତ 

      ନଭୋଗନ୍ତୁ କେହି ଜଳର କଷ୍ଟ 

ଏ ଦେଶ ମାଟିରେ ମେଣ୍ଟୁ ଜଳାଭାବ 

      ସବୁରି ପରାଣ ହେଉରେ ତୁଷ୍ଟ ll

ସଚେତନତାର ବାର୍ତ୍ତା ବାଣ୍ଟି ଆମେ 

      ରୋକିବା ଜଳ ଅପବ୍ୟବହାର 

ଜଳ ମୁନ୍ଦେ ବିନା ଏ ଦେଶ ମଣିଷ 

   ନଭୋଗୁରେ କେବେ ବିଷାଦ ଘୋର ll

ଜଳହିଁ ଜୀବନ ଜଳହିଁ ପରାଣ 

        ଜଳହିଁ ଅଟଇ ଅମୃତ ସମ 

ଜଳ ବିନା ପ୍ରାଣ ଲଭଇ ମରଣ 

      ଜଗତ ମଧ୍ୟେ ଅଟେ ଅନୁପମ ll