ଲାଇବ୍ରେରୀ
ପ୍ରୋଫାଇଲ୍
ଗୁରୁଦେବାୟ ନମଃ
ଗୁରୁଦେବାୟ ନମଃ
1 min
217
ହେ ପୂଜ୍ୟ ପରମେଶ୍ଵର ରୂପ
ଅଜ୍ଞାନ ତମ ନାଶକାରୀ
ଜ୍ଞାନାଞନ ପ୍ରଦାୟକ
ପ୍ରଣାମ ତୁମକୁ ଶତବାର ସହସ୍ରବାର ଜନ୍ମ ଜନ୍ମକାର ।
ମଣିଷ ଗଢିବା ଛାଞ୍ଚ
ଯାହା ଅଛି ତବ ପାଶେ
ସେ ଛାଞ୍ଚରେ ଗଢ଼ି ଦିଅ ମୋତେ
ଏକ ନିଷ୍ପାପ ଶିଶୁ ପରି
କବିର ହୃଦୟ ପରି
ଭରିଦିଏ ପରଭୃତ ସମ ସ୍ବର
ଏକଲବ୍ଯର ଗୁରୁଭକ୍ତି
କରୁଣାର ବାରି ଦିଅ ଛିଞ୍ଚି
କଳୁଷ କାଳିମା ଯାଉ ଘୁଞ୍ଚି ।
ହାତଧରି କଡାଇ ନିଅ ଜୀବନର ପଥ
ଆସୁ ଯେତେ ଝଡ
ମିଥ୍ଯା ପ୍ରତିଶ୍ରୁତି ଅବା ପ୍ରବଞ୍ଚନା
ଶିଖାଇ ଦିଅ ହୃଦୟକୁ କଠୋର କରିବାର
ବଜ୍ର ସାଧନା ।
ଜଳିଉଠୁ ଜ୍ଞାନଶିଖା
ବାରେ ଦିଅ ଦେଖା
ବୁଝାଇ ଦିଅ କାରଣ
ପୃଥିବୀକୁ ଆସିବାର
ପ୍ରଣାମ ତୁମକୁ ଶତବାର ସହସ୍ରବାର ଜନ୍ମ ଜନ୍ମକାର ।
