ଦୁଇଜଣ ଯାକ ଲୋକ

ମନ୍ତ୍ରୀ ଖୋଜୁଛନ୍ତି ଚିକେନ୍ ମଟନ      

ଚାଷୀ ଖୋଜୁଅଛି ଜହର

ଧନୀ ଖୋଜୁଅଛି ମଦ ବୋତଲ

      ଗରିବ ଖୋଜୁଛି ଆହାର ।

କିଏ ଯାଉଅଛି ଉଡାଯାହାଜରେ

କିଏ ଯାଉଅଛି ଗାଡ଼ିରେ

କିଏ ଯାଉଅଛି ପାଦରେ ପାଦରେ

     ଆବେଡା ଖାବେଡା ରାସ୍ତାରେ ।

କେଉଁଠାରେ ଅଛି ବଡ଼ ବଡ଼ ପୋଲ

ବାବୁଙ୍କର ଗାଡି ଯିବାକୁ

କାହାପାଇଁ ଅଛି ବାଉଁଶର ଭେଳା

     ନଦୀ ନାଳ ପାର ହେବାକୁ ।

କାହାପାଇଁ ଖାଦ୍ୟ ହୁଏ ପକାଡ଼ଳା

କାହାପାଇଁ ଚକାଡୋଳା

କାହା ପାଇଁ ଘର ଅଛି ମାଳ ମାଳ

      କାହାପାଇଁ ତୋଟା ଖଳା ।

କିଏ ବଞ୍ଚୁଅଛି ସୁଖରେ ସୁଖରେ

କିଏ ବଞ୍ଚେ ଦୁଖଃ କଷ୍ଟରେ

ସ୍ମଶାନରେ ଦୁହେଁ ସମାନ ହୁଅନ୍ତି

     ସମସ୍ତେ ଶୁଅନ୍ତି ଜୁଇରେ ।

ସତକଥାଟିଏ କହୁଅଛି ବନ୍ଧୁ

ଶୁଣି ତାକୁ ମନେରଖ

ଧନୀ ହେଉ କି ଗରିବ ହେଉ

ଦୁଇଜଣଙ୍କ ଯାକ ଲୋକ ।