ଆଦ୍ୟ ପ୍ରଣୟ

ମାନସରେ ମନ୍ଥି  ସଂଶୟ ସରାଗ

ଅରୁଣିତ ଅଭିସାର

କିଞ୍ଚିତେ କିଞ୍ଚିତେ  ପ୍ରଜ୍ବଳେ ବର୍ତ୍ତିକା

ପିପାସିତ ସନ୍ଧିସ୍ନାର।

ମୁଗଧ ତାରକା  ସ୍ତବ୍ଧ ବିଭାବରୀ

ସ୍ତବନୀୟ ପ୍ରାଣପ୍ରୀୟ

ଦିପ୍ତ ମନୋରଥ  ସ୍ଵୟଂ ଗୁଞ୍ଜନର

ସାଙ୍କେତିକ ଅଭିପ୍ରାୟ ।

ବିତର୍କିତ ଉଷା  ନିନ୍ଦିତ ଗୋଧୂଳି

ଅସଂଜତ ଅପରାହ୍ନ

ଅଦୃଶ୍ୟ ସ୍ପୁରଣେ  ବିଚ୍ଛୁରିତ ଲିପ୍ସା

ଅବଗୁଣ୍ଠିତରେ ସ୍ବପ୍ନ।

ସାତ୍ଵିକ ମାର୍ମିକ  ଅଧୁରା ଅବ୍ୟକ୍ତା

ପ୍ରସ୍ପୁଟିତ ଅନୁରାଗ

ଅନୁରକ୍ତ ପ୍ରାଣ  ବିଭୋରିତ ଲଗ୍ନ

ଉପାସିତ ପ୍ରୀତିମାର୍ଗ।