लाइब्रेरी
प्रोफाइल
माहेरवाशीण
माहेरवाशीण
1 min
176
रांगोळी सजली दारी
पाना फुलांनी सजवले घराला
सुखदुःखाच्या या वळणावर
हुंदका आवरेना मनाला.......
मिठी कशी मारू आई
सावरत आली मी स्वतःला
भरलेल्या डोळ्यांनी मी
समजावते मनाला.......
लपवू कशी चेहरा आई
डोळे आज पाणावले
माहेरच्या भेटीसाठी
मन माझे आसावले.......
दोन दिवसांची पाहुनी मी ग
सून सासरची झाली
लेक लाडकी या घरची
कशी पाहुणी मी ग झाली......
रडू मला आवरेना ग आई
कंठ माझा दाटला
लहानपणापासून धरलेला हात
आज नको म्हणता म्हणता सुटला...
