വീട്ടമ്മ..!!

എഴുന്നേറ്റ പാടെ അവൾ കാണുന്നത് കഴുകാനുള്ള പാത്രങ്ങളാണ്... സാരിതുമ്പ് തന്നിലേക്ക് കൂടുതൽ ചേർത്ത് വെച്ച് അവൾ അതെല്ലാം കഴുകി, തന്റെ പുതിയ ദിവസത്തിലേക്ക് പ്രവേശിച്ചു.

രാവിലെ ഭക്ഷണത്തിനു വേണ്ടതും അടിച്ചു വാരലും, നിലം തുടക്കലും, തുണി അലക്കലും അങ്ങനെ എല്ലാം അവൾ ചെയ്ത് തീർത്തു.. എല്ലാവർക്കും വേണ്ട ആഹാരങ്ങൾ വിളമ്പി കൊട്ത്തും, കുട്ടികളെ സ്കൂളിലേക്ക് പറഞ്ഞു വിട്ടും ഭർത്താവിനെ ജോലിക്ക് പറഞ്ഞയച്ചും അവളുടെ ജോലികൾ എല്ലാം കഴിഞ്ഞു...

ആ വീട്ടിൽ അവൾ ഒറ്റക്കായി.. പതിയെ തന്റെ ഫോണെടുത്തു ഗാലറിയിലൂടെ വിരലുകളോടിച്ചു..

അതിസുന്ദരിയായി താൻ മിന്നി തിളങ്ങിയ കാലം അവളുടെ മനസ്സിലേക്ക് വന്നു പതിച്ചു.

പഠിക്കാൻ മിടുക്കിയും നൃത്തം ജീവനായി കാണുന്ന താൻ ഇന്ന് ഈ അടുക്കളയിൽ നരകിച്ചു ഉരുകി തീരുകയാണെന്ന യാഥാർഥ്യം അവൾ ഉൾക്കൊണ്ടു.

പതിയെ ഫോൺ എടുത്ത് അവളൊരു പാട്ട് പ്ലേ ചെയ്തു..തന്റെ ഉരുകി തീരുന്ന ജീവിതത്തിനിടയിൽ നിന്നും അവൾക്ക് ഒരാശ്വാസം കിട്ടുന്ന പോലെ തോന്നി. പക്ഷെ ആ ആശ്വാസത്തിനു ആയുസ്സ് കുറവായിരുന്നു. പെട്ടെന്നാരോ വന്നു കതകിൽ ശക്തിയായി കൊട്ടി.. ചുവട് വെക്കുന്ന കല്പാദങ്ങൾ പെട്ടെന്ന് നിലച്ചു.....

അവൾ വാതിൽ തുറന്നു.. "എന്തെടുക്കാ നീയ്, ഞങ്ങൾ വന്നതറിഞ്ഞില്ലേ?.."അയാൾ ഉച്ചത്തിൽ അലറി ചോദിച്ചു..അവൾ മൗനം ഉത്തരമായി നൽകി. ആ പാട്ട് ഓഫ്‌ ചെയ്തു.. കൂടെ അവളുടെ ആഗ്രങ്ങളെയും മൂടിവെച്ചു...

എല്ലാവരും സ്വന്തം കാര്യത്തിന് വേണ്ടി സമയം കണ്ടെത്തുമ്പോൾ താൻ ഇവിടെ കുടുംബതിന് വേണ്ടി തന്റെ ആഗ്രഹങ്ങളും സ്വപ്നങ്ങളും അറിയാതെ തന്നെ പറിച് കളയുന്നു..

അവളുടെ കണ്ണിൽ നിന്നും കണ്ണീർതുള്ളികൾ ഇറ്റിറ്റ് വീഴാൻ തുടങ്ങി......!!!!!!

അതെ.. ഇന്നും സ്വപ്നം കാണാൻ പോലും പേടിക്കുന്ന നിസ്സഹായരായ വീട്ടമ്മ മാർ ഉണ്ട്..

"നമുക്ക് എല്ലാവർക്കും ഒരുപാട് ആഗ്രഹങ്ങൾ ഉണ്ട്, എന്നാൽ അതൊന്നും പ്രവർത്തികമാക്കാൻ നാം ശ്രമിക്കുന്നില്ല. സ്വപ്നം കാണുന്നവനെ അത് നേടിയെടുക്കാൻ കഴിയൂ....!!!!

ഏതൊരു വാതിലും നമ്മൾ പോയി കൊട്ടാതെ നമ്മുടെ മുന്നിൽ തുറക്കപ്പെടില്ല, കൊട്ടുന്നതിന്റെ ശക്തിക്കനുസരിച് വാതിൽ തുറക്കുന്നതിന്റെ വേഗതയും കൂടും.

ആഗ്രഹങ്ങൾക്ക് വേണ്ടി പ്രയത്നിക്കുക, നേടിയെടുക്കുക, ജീവിക്കുക.....!

ഓർക്കുക.. നമ്മുടെ ജീവിതം അത് നമുക്ക് ജീവിച്ചുതീർക്കാനുള്ളതാണ്.. അതിനാൽ സ്വപ്നങ്ങളും ആഗ്രങ്ങളും നേടിയെടുക്കാൻ നമ്മൾ തന്നെ മുന്നോട്ടിറങ്ങണം...!!!

✍🏻sahlabeevi🤍🍃