Library
Profile
ഒരു പനി വന്നപ്പോ... അടുത്ത് ഇണ്ടായിരുന്നുവെങ്കിൽ...
ഒരു പനി വന്നപ്പോ... അടുത്ത് ഇണ്ടായിരുന്നുവെങ്കിൽ...
"ഒന്ന് അടങ്ങി ഇരിക്കുന്നുണ്ടോ സുജിനേട്ടാ … എത്ര നേരായി ഞാൻ പറയുന്നു… ആവി പിടിച്ചില്ലെങ്കിൽ പനി മാറില്ലാട്ടോ… ”
” ഇതിന്റെയൊന്നും ആവശ്യമില്ലടോ ഭാര്യേ… പനി വന്നാൽ പനിച്ചു തന്നെ പോണം... എന്റെ പനിച്ചിക്കാട് മുത്തീ… ”
” അതേയ്… കല്യാണരാമൻ സിനിമ ഞാനും കണ്ടതാ… ”
” ആണല്ലേ… ന്നാ വിട്ടേക്ക്... ഞാൻ തിരിച്ചെടുത്തു… നീ ഒരു പാരസറ്റാമോൾ ഇങ്ങ് എടുത്തേ... പനിക്ക് അലോപ്പതിയാ ബെസ്റ്റ്... ”
” ഓഹ്... അല്ലാതെ പുതപ്പിനടിയിലെ ഇരുട്ട് പേടിയുണ്ടായിട്ടല്ലല്ലേ മോനേ… ?"
” നീ പോടീ… എനിക്ക് പേടിയൊന്നുമില്ല...”
അവിടെ നിന്നും എങ്ങനെയെങ്കിലും തലയൂരാനുള്ള തീവ്ര ശ്രമത്തിലായിരുന്നു മൂപ്പര്...
” ദേ... സുജിനേട്ടാ... പറയുന്നത് കേൾക്ക്... എനിക്ക് ദേഷ്യം വരുവേ… രാത്രിയിൽ ഉള്ള മഴ മുഴുവൻ നനഞ്ഞ് പനിയും പിടിപ്പിച്ച് കേറി വന്നോളും… ”
” എടി... കണ്ണിചോരയില്ലാത്തവളെ… നീ തന്നെയാണോ ഈ പറയുന്നേ… ? അവൾക്ക് മഴ നനയാൻ പെട്ടെന്നൊരു മോഹം തോന്നിയപ്പോൾ പാവമല്ലേ… എന്റെ ഭാര്യയല്ലേ... എന്നോർത്ത് ഒന്നും നോക്കാതെ ഇറങ്ങിയ എന്നെ വേണം ആദ്യം തല്ലാൻ…”
സ്വന്തമായി പഴിക്കുന്ന സുജിനേട്ടനെ കണ്ടപ്പോൾ എനിക്ക് ചിരി വന്നുപോയി…
” ചിരിക്കല്ലേടി പിശാചെ… മനുഷ്യൻ ഇവിടെ ചാവാൻ കിടക്കുമ്പോഴാ… ”
” ഞാൻ പറഞ്ഞെന്നു കരുതി ഇയാളെന്തിനാ ഇറങ്ങിയത് ?
” അതേടി... എല്ലാം എന്റെ തെറ്റാ... മോഹിക്കുന്നതും സ്വപ്നം കാണുന്നതും നേടി തരാൻ ആരുമില്ലാതിരുന്നത് കൊണ്ട് മറ്റൊരാളുടെ ആഗ്രഹം കേൾക്കുമ്പോൾ അത് നടത്തി കൊടുത്തില്ലേൽ വല്ലാത്തൊരു സങ്കടാ... അതും എന്റെ എല്ലാമായവൾക്ക് വേണ്ടിയാണെങ്കിൽ പിന്നെ പറയണ്ട… ”
എന്റെ അഞ്ജുമ്മക്ക് വേണ്ടി
by...അവള്ടെ... ഏട്ടൻ
