ತಾಯಿಯ ಮನದ ಬಣ್ಣ

ಬಿಳಿಯ ಹಾಳೆ ನಮ್ಮ ಬದುಕು

ಈ ನಮ್ಮ ಬಾಳ ಪಯಣದಲಿ 

ನಿನ್ನ ಆಗಮನ ತುಂಬಿತು 

ಕಾಮನ ಬಿಲ್ಲಿನ ಬಣ್ಣಗಳ,

ಖಾಲಿ ಗೋಡೆಯ ಮೇಲೆ 

ನೀ ಬರೆದ ಬಣ್ಣದ ಚಿತ್ತಾರ 

ತುಂಬಿದೆ ಹಲವಾರು ನೆನಪುಗಳ,

ಕುರುಡು ಹೃದಯಕ್ಕೂ ಮುದ 

ನೀಡಿಹುದು ಈ ನಿನ್ನ ಬಣ್ಣಬಣ್ಣದ 

ಮುದ್ದಾದ ಸವಿ ಮಾತುಗಳು 

ಯಾವುದೇ ಬಣ್ಣ ಇಲ್ಲದ 

ಈ ಜಗವನು ನೀನು  

ಜನಿಸಿ ಸಿಂಗಾರ ಮಾಡಿ

ಬಣ್ಣಬಣ್ಣದ ಲೋಕ ಸೃಷ್ಟಿಸಿದೆ

ತನುವಿನ ಆಗಮನದಲಿ

ಮಿಡಿಯಿತು ಮನದ ಮಾತೃತ್ವದ 

ಒಲವಿನ ಬಣ್ಣದೋಕುಳಿ 

ಆಸ್ಮಿತೆಯ ಜಗದಲಿ 

ತರಹೇವಾರಿ ಬಣ್ಣ ಬಳೆದವಳು 

ನಮ್ಮ ಮುದ್ದಿನ ಮಗಳು