Paoul-tha loyal dog story

Ye kahani us mod ki hai jo batati hai ki hum jo maan le wo ho sakta hai ise ye kutta batata hai

Ek lawaris kutta, jo kichad me pada tha, jise kisi ne nikal kar god me bithaya... aur wahi kutta aaj apne sare dard bhula kar sirf usi ko bachana chahta hai jisne use dusri zindagi di.

Raat ka sannata tha.

Rajveer - ek chor. Chupchaap ek ghar me chori karke kuch nagdi aur zewar lekar bhaag raha tha. Peeche bheed pad gayi. Pakde jane ke dar se wo sadak kinare ek ghadde me chhup gaya. Usi ghadde me usse mila - Paoul.

Puri raat wahi bitayi. Subah jab Rajveer nikalne laga to usse ek dard bhari awaz sunai di. Pehle to usne socha chhod ke chala jau, par tabhi use apni maa ki baat yaad aayi - "Jiska koi nahi hota, usko bachane bhagwan kisi na kisi ko bhejta hai."

Yahi soch kar Rajveer ne khud ko bhagwan ka doot samjha aur Paoul ko ghadde se bahar nikal diya.

Paoul ka bhi koi sahara nahi tha. Rajveer lakh bhagaye, wo uske peeche-peeche chalta raha.

Thodi der baad Rajveer ruka aur bola,
"Dekh, main ek chor hoon. Mera kaam tha tujhe bachana. Ab tu apne raste ja sakta hai. Mera khud koi thikana nahi hai."

Fir jaise do besahara mil jayein to dil ki baat nikal hi jati hai, Rajveer apne baare me batane laga, bhale hi Paoul bezubaan tha.

"Ek aunty hai, Manjulima. Uski kholi me main bachpan se raha hoon. Ghar jaisa rakhti hai. Ameer nahi hai, par dil bahut bada hai. Khane ko zyada nahi, par pyaar ke do niwale hamesha hain. Agar tu rehna chahe, to aunty ka dil jeetna hoga."

Baat karte-karte wo kholi ke kone par pahunch gaya. Pata nahi kyun, Rajveer ko Paoul se hamdardi hone lagi. Usne use paani se saaf kiya, god me uthaya, ek jhappi di aur kholi me le gaya.

Aunty Manjulima ne dekhte hi pehle to Paoul ko pyaar se sehlaya, fir Rajveer ki class li.

Aunty: "Isko yahi rakhne ka socha to tum bhi kidhar dusri kholi dekho, samjha baba?"

Rajveer: "Aunty main isko bahut samjhaya, par akela tha. Mere peeche-peeche aa gaya. Bahut bhagaya, nahi mana. Ab kidhar jayega bechara? Rehne do na idhar hi. Main iski safai karunga, saaf rakhna sikhaunga."

Aunty: "Tu isko sambhalega? Tu khud 12 baje soke uthta hai. Isko ghumane le jayega? Khud ke khane ka pata nahi, isko kya khilayega?"

Rajveer: "Main iske liye uthunga, khana banaunga, isko nahlayega fir khud nahaunga. Pakka aunty, isko yahin rehne do."

Kisi tarah Rajveer ne aunty ko mana liya. Aur yahin se shuru hoti hai Rajveer aur Paoul ki asli duniya.
         Kya ek wafadaar dogi ko lekar raajveer kuchh kar payega kya manjulima aunty raajveer or dog ko sath main rahane ki ijaajat degi aage kya hota hai jaanne ke liye jude rahiye