આ તે શી માથાફોડ ! - ૮૨

બા કહે છે -હું પડી જાઉં છું.

બાપા કહે છે: "ઊંઘી જાઓ, વહેલું ઊઠવાનું છે." પણ તેમ છતાં મને ઊંઘ નથી અવાતી.

બા કહે છે: "ઝટ ચાલીને થાળી લઈ આવ."પણ મારાથી ઝટ નથી ચલાતું.

બાપા કહે છે: "સરખું બોલતાં ભૂલ કેમ પડે છે ?" પણ તેમ છતાં વારંવાર ભૂલ પડે છે.

બા કહે છે: "જો રડ ના. રડાય નહિ. પણ તેમ છતાં મારાથી રડી જવાય છે.

બા કહે છે: "બીજાને ત્યાં ચૂપ રહેવું. "પણ તેમ છતાં મારાથી બોલી જવાય છે.

બાપા કહે છે: "પૂછ્યા વિના ફળિયામાં જવું નહિ. "પણ છતાં ફળિયામાં હું ચાલ્યો જાઉં છું."