પ્રેમ અને શ્રદ્ધા

પ્રેમ પ્રેમ હોય જો, પ્રેમ આપણો જો હોય,

તો પ્રેમમાં શ્રદ્ધા અશ્રદ્ધાનુ સંઘાતે બલ ન હોય:

અશ્રદ્ધા અણુ માત્ર તે અશ્રદ્ધા છે બધી ખરે!

અદ્રશ્ય ને ઝીણો પડે ચીરો કો વીણામાં જરી,

ધીમે ધીમે તે મધુર રવને કુંદ કરી નાખે કદી:

પહોળો થતાં મ્હોટો થતાં તે સ્વરહીણું કરી નાખશે!

પ્રેમી દિલવીણા મહીં ચીરો કદી ઝીણો પડે.

કે મુરબ્બાની બરણીમાં ફલ એકને ચાંદી પડે.

તો પ્રેમસ્વર ઉડી જશે : ફલ મિષ્ટ સૌ બગડી જશે!

અશ્રદ્ધાનું બીજ પણ નથી ગ્રાહ્ય: ફેંકી દે તું એ:

પણ એ જશે? રે! રંગ કાળો પ્રાણ સાથે તે ખસે!

રાખ શ્રદ્ધા પૂર્ણ ને નહીં તો નહીં રતિભાર પણ!

મુજ નામ જે મ્હારું હતું ત્હારું થયું: બન્યું એક એ:

મને કીર્તિ જો મળે તો તે બધી ત્હારી જ છે:

લાગે તને કદી ડાઘ કાળો તો મને લાગી ચૂક્યો:

તો રાખ શ્રદ્ધા પૂર્ણ ને નહીં તો નહિ રતિભાર પણ!