ଭାଗ୍ୟ
ଭାଗ୍ୟ
ଜୀବନ ରଥର ଚକ ଆମରି
ସମୟ ହାତରେ ବନ୍ଧା
ସାରଥୀ ହାତରେ ଆମରି ଦଉଡି
ଦଉଡିରେ ଆମେ ଛନ୍ଦା ll
ସାରଥୀ ଚାଲଇ ଭାଗ୍ୟର ହାତରେ
ବିଧାତା ଦେଖନ୍ତି ଖେଳ
ବିଧାତାର ଖେଳ ବଡ଼ ବିଚିତ୍ର
ସଂସାର ଅଗାଧ ଜଳ ll
ଅଗାଧ ଜଳରେ ସର୍ବେ ଉବୁଟୁବୁ
କର୍ମମୟ ଏ ଜୀବନେ
ଦୟା କ୍ଷମା ପ୍ରେମ ସ୍ନେହ ଶ୍ରଦ୍ଧା ଭକ୍ତି
ବିତରିବା ସର୍ବ ଜନେ ll
ଦୁଃଖ ସୁଖର ମହାସମୁଦ୍ରଟି
ଚକ ପରି ଘୁରୁଥାଏ
ଦୁର୍ଲଭ ଏହି ମଣିଷ ଜୀବନ
ଭାଗ୍ୟ ସାଥେ ଚାଲୁଥାଏ ll
ଭାଗ୍ୟ ଆମରି କର୍ମ ହାତେ ବନ୍ଧା
ରଥ ଗଡିଗଡି ଯାଏ
ଅହିଁସାର ରଥ ଅକ୍ତିଆର କଲେ
ସୃଷ୍ଟିର ରକ୍ଷା ହୁଏ ll