ଉତ୍କଳ ଦିବସ
ଉତ୍କଳ ଦିବସ
ତପନ କୁମାର ସ୍ୱାଇଁ
ଛୁଟି ଦିନେ ଆଜି କୁଆଡ଼େ ଯାଉଛୁ
ଅଜା ପଚାରିଲେ ମାମାକୁ,
ସଜବାଜ ହୋଇ ବାହାରିଛୁ କାହିଁ
ପିନ୍ଧି ତୋର ନୂଆ ଜାମାକୁ । ।
ହସି ହସି ମାମା କହିଲା ଅଜାଙ୍କୁ
ଜାଣିନକି ଆଜି କଅଣ,
ପ୍ରତ୍ୟେକ ଓଡ଼ିଆ ଆଜି ଦିନଟିକୁ
କରୁଛନ୍ତି ପରା ସ୍ମରଣ । ।
ଉଣେଇଶି ସହ ଛତିଶ ମସିହା
ଅପ୍ରେଲ ପହିଲା ଦିନରୁ,
ସ୍ୱତନ୍ତ୍ର ପ୍ରଦେଶ ହୋଇଲା ଓଡ଼ିଶା
ଭୁଲିଗଲଣିକି ମନରୁ । ।
ସେହି ଦିନଠାରୁ ଅପ୍ରେଲ ପହିଲା
ପାଳନ କରୁଛି ଓଡ଼ିଶା,
ଚାରିଆଡ଼େ ସଭା ସମିତି କରନ୍ତି
ଭାଇବନ୍ଧୁ ସାହି ପଡ଼ିଶା । ।
ଆମ ଓଡ଼ିଶାର ପୂର୍ବ ନାମଥିଲା
ଉଡ୍ର, କଳିଙ୍ଗ, ଉତ୍କଳ,
ବୀର ଜାତି ଭାବେ ପରିଚୟ ତା’ର
ଜାଣିଛନ୍ତି ପରା ସକଳ । ।
ମଧୁ, ଗୋପବନ୍ଧୁ, ଫକୀର ମୋହନ
କୃଷ୍ଣଚନ୍ଦ୍ର ଗଜପତି,
ସ୍ୱତନ୍ତ୍ର ଉତ୍କଳ ଗଢ଼ିଛନ୍ତି ବୋଲି
ମନେପଡ଼େ ତାଙ୍କ ସ୍ମୃତି । ।
ସେଥିପାଇଁ ଆମେ ଯାଉଅଛୁ ଆଜି
ହାତେ ଧରି ଫୁଲ ଚନ୍ଦନ,
ପାଳନ କରିବୁ ଉତ୍କଳ ଦିବସ
ଏକ ସ୍ୱରେ ଦେଇ ସ୍ଲୋଗାନ । ।