ଯନ୍ତ୍ରମାନବ
ଯନ୍ତ୍ରମାନବ
ପର୍ବତ ଶିଖରେ ପହଁଚିଲା ଦିନେ
ଯନ୍ତ୍ରମାନବଟି ଯାଇ
ଯେଉଁଠି ମଣିଷ ରହୁଥିଲେ ନିତି
ଗଛ ଓ ପତର ଖାଇ ।
ଜାନୁଆର ସାଥେ ରହୁଥିଲେ ସିଏ
ନଥିଲା ମନରେ ଭୟ
କଞ୍ଚା ମାଂସ ଖିଆ ଥିଲାଯେ ତାଙ୍କର
ବଞ୍ଚିବା ପାଇଁ ଉପାୟ ।
ଯନ୍ତ୍ରମାନବକୁ ଦେଖିଦେଲା ପରେ
ଠେଙ୍ଗାବାଡ଼ି ସବୁ ଧରି
ଆସିଥିଲେ ଧାଇଁ ଜୀବନରୁ ତାକୁ
ଦେବା ପାଇଁ ସତେ ମାରି ।
ଭାବିଲେ ସେମାନେ କେଉଁ ଦୁନିଆରୁ
ଆସିଛି ବିରଳ ଜୀଵ
ଆମ ଗଡ଼ ଜିଣି ରହିବା ପାଇଁକି
କରିଅଛି ବୋଧେ ଲୋଭ ।
ମଣିଷ ପାଖରୁ ସୃଷ୍ଟି ହୋଇ ସିଏ
ତାଠାରୁ ଚାଲାଖ ହୁଏ
ଯାହାକୁ ଦୁନିଆଁ ଯନ୍ତ୍ରମାନବ ବା
ରୋବର୍ଟର ନାଆଁ ଦିଏ ।